PETRUS 2 1:19 - Alkitab Singog In Mongondow Masa In Tanaa

¹⁹ Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.

PETRUS 2 1:19 Mawu Ofanana

MAZMUR 119:105

Tosingogon-Mu in nobaḻí togá kon bayáanku, sindar inta monimbayag kon daḷanku.

AMSAL 6:23

Topotundú mita in guyangamu naonda bo togá inta mobayag; toboḷow monia mopoontong kon inimu in kobobiag inta mopia.

YESAYA 14:12

Ei datu in Babel, koḻipod iko in tundi modiug mobayag inta modoriang, táe tanaa in noḷabúdon nongkon ḷangit! Koḻipod iko in nonaḷow kon bangusa mita, táe tanaa in pinorobu kon butá.

YESAYA 41:26

Ki ine in kon sigad monimu in ain nonoḻindap kon tua, nodapot in kami motaau mopobanar kon inia? Táe kon sigad monimu diábí in nopotaau, Diábí in nokidongog kon i monimu nosingog.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

YESAYA 9:2

Tuhan, inogoian-Mu in mosia in ḷunganga moḷoben, Binaḻí-Mu in mosia norogiow. Nopia totok in gina monia popisí in kopopia-Mu, naonda bo intau inta noḷunganga in gina kon tungkuḷ in nosipun kon bungai in boyó, andeka nosilai kon inta inagow kon parang.

MATIUS 4:16

Bangusa inta nobiag kon bonu in sindip, mosia aindon nokoontong kon bayag inta moḷoben! Bo mosia inta nogutun kon ḻipú inta kinokoḷubungan in maut nomukádon in bayag!”

YOHANES 5:35

Ki Yohanes tua in naonda bo togá noyongkit inta moponindar in bayag. Bo kon tanaa mako mosanangpabí in gina monimu in motarima kon sindar tatua.

YOHANES 5:39

Moiko in mobalajar kon Buk Motusi sin kon bonu in raian monimu, aka natua yo mokouḻí kon kobiagan mopia bo mononoi. Bo umpakabí Buk Motusi tatua tontaní ain nobogoi in kosakusian soaḷ Akuoi.

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

OUMAN IN RASUL MITA 15:29

dika mokaan kon kaanon inta aindon pinosumba kon dewa; dika mokaan kon dugú, dika mokaan kon tapú in mahaḷuk inta minatoi sinagangan, bo poyayúdon in oaid inta mokotor. Aka aidandon monimu intua komintan, yo mangaḻenea moiko aindon nogaid kon inta mopia. Natuapa, saḷamat!”

OUMAN IN RASUL MITA 17:11

Intau mita in Yahudi kon Berea mopia-pia nongkon intau mita in Yahudi kon Tesalonika. Takin sanang gina mosia in mokidongog kon habar soaḷ ki Yesus, bo pomuḷoi in singgai mosia inumuran mobaca kon Buk Motusi sin monarukira mongo totuu in sinundú i Paulus kon i monia tua.

IBRANI 2:2

Sin koyow mita inta pinoyaput in malaekat mita kon mogoguyang naton in totuubí in nouḻí magí. Intau mita inta diá dinumudui bo inta doí nopoaid in koyow tatua, mokouḻíbí kon hukuman podudui in oaid monia.

YAKOBUS 2:8

Moiko in mogaid kon inta moitutui, aka aidan monimu in hukum inta totok in moponting inta pinais kon bonu in tontagá in Buk Motusi nanaa: “Kotabibí in tumpaḷa intau ná kotabimu kon awakmu tontaní.”

PETRUS 1 1:10

Kasaḷamatanbí tanaa inta ain pinirikisa kinopia totok in nabi mita inta nopoyaput in koyow i Allah soaḷ totabi bo barakat inta inogoi i Allah kon i monimu.

YOHANES 1 5:10

Tuamai, intau inta mopirisaya kon i Adí i Allah ain notarima kon kosakusian tatua kon bonu in ginanea; táe intau inta diá mopirisaya kon i Allah, inanggapnea in ki Allah tua in mouboḷ, sin diá in sia mopirisaya kon onu inta pinoguman i Allah soaḷ ki Adí-Nea.

YOHANES 3 1:6

Tabimu tatua ain inouman monia kon jamaat inta pinogutunanku mako tanaa. Natua uḻe, tuḷungaibí in mosia podudui in onu inta kinoibog i Allah, sinbá motaaupa in mosia mogingguput kon bobayáan monia.

WAHYU 2:28

Mosia in motarimabí kon tundi in pomukaan nongkon i-Nakó.

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”