PETRUS 2 1:18 - Alkitab Singog In Mongondow Masa In Tanaa

¹⁸ Kamibí tontaní in nokodongog kon singog tatua namangoi nongkon soroga wakutu in kami koyota-yotakin-Nea kon tudu in buḷud inta motusi tatua.

PETRUS 2 1:18 Mawu Ofanana

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.

IḶUAIAN 3:5

Bo ki Allah noguman, “Dika mokopodiug. Bukádon aip in sioḷmu, sin iko in sinimindog mako kon butá inta motusi.

YESAYA 11:9

Kon Sion, Buḷud Motusi i Allah, diábí in moraat andeka momoguyaat. Dunia naa in mopuḻingbí in sinotaau soaḷ ki Allah, naonda bo tubig momuḻing kon dagat.

YESAYA 56:7

“Moiko in diaan-Kubí mayá in Sion, mayá in tombuḷud-Ku inta motusi, bo ogoian-Ku in ḷunganga in gina kon Baḷoi pooibadaan-Ku. Kuruban mita inta pinosumba monimu kon mezbah-Ku in tarimaan-Kubí. Baḷoi-Ku in tangoionbí baḷoi pososambayangan in bayongan bangusa.”

ZAKHARIA 8:3

Akuoi in mobui mangoi kon Yerusalem, kotá-Ku inta motusi tatua, bo mogutun kon tua. Yerusalem in kotaauandon saḷaku kotá inta motoindudui, bo tombuḷud i Tuhan Inta Totok in mokawasa in tangoionbí tombuḷud inta Motusi.

MATIUS 17:6

Nokodongog kon tua nongoitungkud in murí-Nea mita, bo totokdon inangoian in ondok in mosia.

YOSUA 5:15

Itoi in tontara i Tuhan tatua notubag, “Buká in sapatumu; butá inta sinindoganmu tanaa in butábí motusi.” Dá binukádon i Yosua in sapatunea.