PETRUS 2 1:15 - Alkitab Singog In Mongondow Masa In Tanaa

¹⁵ Dá tantú ramujionku sinbá umpakabí akuoi in diádon, yo umuranpa doman kotoropan monimu in soaḷ mita tatua.

PETRUS 2 1:15 Mawu Ofanana

MAZMUR 71:18

O Allah, dika taḷaan in akuoi, modapot in mogoguyang in akuoi bo ubanan, sinbá akuoi in mopotaau in kawasa bo kototoyang-Mu kon bayongan in buí inta moiduduimai.

LUKAS 12:58

Aka iko bo bayáan pongaduon in intau kon pongadilan, yo ramujibí sinbá pelekara tatua in baḷú mopaḷut kon wakutu in diápa mayá in pongadilan. Sinbá diá potayownea kon hakim in iko bo posarakan kon puḻisi sin ponjaraan.

TESALONIKA 2 2:5

Toropbí kon nodaitku bidon pinoguman intua komintan wakutu in akuoi koyota-yotakinpa monimu.

TIMOTIUS 2 2:2

Onu inta ain dinongogmu sinundúku kon tayowon intau moantó, yo pokiaid intua kon intau mita inta motaau pirisayaan bo inta mongopandoi motundú kon intau ibanea.

IBRANI 11:4

Popisí in oyúon in pirisaya, dá ki Habel in noposumba kon i Allah in kuruban inta mopia-pia nongkon onu inta pinosumba i Kain. Popisí doman in pirisayanea tatua, dá ki Habel in sinarima i Allah saḷaku intau inta mopia, bo tua in noniatadon kon sosumbanea in sinarima i Allah. Bo popisí in pirisayanea, dá sia in nosingogpabí umpaka minatoidon.

PETRUS 2 1:12

Tuamai tantú ponoropku intua kon i monimu, umpakabí kinotaauandon monimu, sinbá moiko in mopirisayadon totok kon totundú nongkon i Allah inta ain sinarima monimu tatua.