PETRUS 2 1:12 - Alkitab Singog In Mongondow Masa In Tanaa

¹² Tuamai tantú ponoropku intua kon i monimu, umpakabí kinotaauandon monimu, sinbá moiko in mopirisayadon totok kon totundú nongkon i Allah inta ain sinarima monimu tatua.

PETRUS 2 1:12 Mawu Ofanana

OUMAN IN RASUL MITA 16:5

Dá pirisaya in jamaat umuran modugang moropot, bo jamaat kobarong-kobarong domandon.

PILIPI 3:1

Pangabisannea, pogumanku kon i monimu utatku mita, kosanangdon in gina monimu, sin moiko ain notobatú i Tuhan. Diábí mobú in akuoi in momais bui kon onu inta ain pinaisku koḻipod kon i monimu; sin kopiaanbí monimu intua.

KOLOSE 1:5

Moiko in mopirisaya bo motabi, sin moiko in moharap kon onu inta ain sinadia i Allah kon i monimu kon soroga. Ain dinongog monimu in soaḷ tatua wakutu in Habar Mopia inta nobanar in pinoyaput kon i monimu.

KOLOSE 2:7

bo monguakat kon bonu i Kristus Yesus. Moiko in musti moposindogdon in kobiaganmu bo ki Kristus in dodoyonanmu. Mustidon modugang in pirisaya monimu kon i Kristus, podudui in onu inta ain sinundú kon i monimu. Bo ginamu in umurandon moibo-ibog mopoyaput in sukur moantó.

TIMOTIUS 1 4:6

Aka tundúonmu intua komintan kon bayongan in ginaḷum naton, yo iko in mobaḻí bidon mogogaid i Kristus inta nogaid nopira. Bo iko in umurandon moginropot kon ginamu takin pirman i Allah inta pinirisaya naton bo takin totundú mita totuu inta ain dinuduianmumai naa in kino oonggotnea.

TIMOTIUS 2 1:6

Manangka intua tantúku bui ponorop kon inimu sinbá umuranmu pakéon kopiraan in totabi inta inogoi i Allah kon inimu wakutu in binarakatanku in iko.

IBRANI 10:32

Toropka in kaadaan monimu koḻipod. Kon wakutu in moiko notarima kon bayag inta pinonindar i Allah, moiko in tantú nokorasa kon yoyiga, táe umuran nobakuat totok in moiko.

IBRANI 13:9

Dika moibog in moiko poyayingon in totundú mita inta mokoherang kon i monimu. Gina naton naa in musti irigonan in totabi i Allah, tuabí in mopia, deemanbí atorang mita soaḷ kokaanon. Intau mita inta tungkuḷ intua dinumudui kon atorang mita tatua in diá nokouḻí kon mangaḻenea.

PETRUS 1 5:10

Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus.

PETRUS 1 5:12

Suratku inta nopoḷok tanaa in pinoki paisku kon i Silas, intau inta inanggapkudon ginaḷum bo motaau pirisayaan. Surat tanaa in pinotuju kon i monimu. Akuoi in mononggina bo mopoyakin kon i monimu, kon onu inta pinaisku naa in habarbí totuu soaḷ totabi i Allah. Manangka intua akuoi in moguman sinbá moiko in umuran mokoporoton in kumadai kon totabi i Allah kon i monimu.

PETRUS 2 1:13

Kon dodai in akuoi mobiagpa, nobaḻíbí kowajibanku in moponorop intua kon i monimu.

PETRUS 2 1:15

Dá tantú ramujionku sinbá umpakabí akuoi in diádon, yo umuranpa doman kotoropan monimu in soaḷ mita tatua.

PETRUS 2 3:1

Utatku mita inta kinotabiku! Naa in suratku inta induaneadon kon i monimu. Kon bonu in suratku induanea tanaa, akuoi noramujidon totok sinbá moiko in tongá umuran morai kon inta mopia bo inta mokobiag.

PETRUS 2 3:17

Táe moiko utat mita inta kinotabiku, kinotaauan bidon monimu intua. Tuamai mokopoingat sinbá moiko in diá moidudui kon aid in intau mita moraat tatua bo inta diá doman nonotaau in hukum, bo moiko in moḷabú nongkon dodoyonan kobiagan monimu inta moroton.

YOHANES 1 2:21

Pinaisku in naa kon i monimu deemanbí lantaran moiko diápa nonotaau kon totundú inta nobanar, táe lantaranbí kinotaauandon monimu in totundú tatua bo kinotaauandon monimu kon diábí in uboḷ kon totundú inta nobanar tatua.

YOHANES 2 1:2

Sin ki Allah in umurandon nogutun kon bonu in gina naton, bo Sia in umuranbí doman kotaki-takin naton.

YUDAS 1:17

Táe Utatku mita inta kinotabiku, toropdon in onu inta koḻipod pinoguman in rasul mita i Yesus Kristus, Tuhan naton.

YUDAS 1:3

Utat mita inta kinotabiku! Totuu kon oyúonbí in makusudku in nomais kon surat tanaa kon i monimu, tuata in soaḷ kasaḷamatan inta ain tumpaḷa kinorasaan naton. Kon soaḷ tanaa totokdon kon ginaku in momais kon surat kon i monimu bo mononggina sinbá moiko in umuran mokoporoton in kumadai kon onu inta ain pinirisaya monimu inta ain pinoyaput kon intau mita inta ain inoiní i Allah.

YUDAS 1:5

Tua komintan in kinotaauan bidon monimu. Tongá moibogpa doman in akuoi moponorop kon i monimu kon soaḷ naonda in ki Tuhan noposaḷamat kon umat Israel nongkon butá in Mesir, táe noiduduimai kon tua pinutúan-Neadon in intau mita kon sigad monia inta diá mopirisaya.