PETRUS 1 5:14 - Alkitab Singog In Mongondow Masa In Tanaa

¹⁴ Moiko in musti mosisalaman tobatú bo tobatú takin tabi saḷaku tumpaḷa Keresten. Poigumonku mako ki Tuhan mobogoi in barakat bo kobiagan motompia kon i monimu komintan inta ain nobaḻí kapunyaan i Kristus. Horomat nami, Ki Petrus

PETRUS 1 5:14 Mawu Ofanana

MATIUS 5:47

Bo aka moiko bo tongá doman mohoromat kon i utat mita, onubí in noiḻiu kon oaid in intau ibanea? Intau doman inta diá monotaau kon i Allah in mogaid doman kon natua!

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

YOHANES 16:33

Naa komintan in poguman-Ku sinbá moiko in mokouḻí kon kobiagan motompia bo moonow sin notobatú-Kudon. Kon dunia naa moyoyangpabí in moiko, táe korotonbí in ginamu, sin Akuoi in diábí taḷowon in dunia naa!”

YOHANES 20:19

Kon singgai doman in Diminggu tatua, naonda in nodoḷomdon, murí mita i Yesus noyosipun kon baḷoi tobatú bo kinunsían monia komintan in ḷoḻingkop, sin moondok kon intau mita in Yahudi. Táe ki Yesus in baḷúbí noisindog magí kon yua-yuak monia bo noguman, “Salam dodamean bo kobiagan motompia kotaki-takin monimu.”

YOHANES 20:26

Naonda in todiminggu noiduduimai kon tua, murí mita i Yesus noyosipun bui kon tua, ki Tomas in oyúon domandon kon tua noyotakin monia. Komintan kinunsían monia in ḷoḻingkop, táe ki Yesus in namangoi bo sinimindog kon yua-yuak monia bo noguman, “Salam dodamean bo kobiagan motompia kotaki-takin monimu.”

SURAT I PAULUS KON JAMAAT RUM 1:7

Tuamai in akuoi in nomais kon surat kon i monimu. Poigumon mako kon i Allah inta ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

SURAT I PAULUS KON JAMAAT RUM 16:16

Posisalamanbí takin tabi saḷaku tumpaḷa utat inta mopirisaya kon i Kristus. Bayongan jamaat i Kristus kon naa nopoyaput in salam kon i monimu komintan.

SURAT I PAULUS KON JAMAAT RUM 8:1

Tanaa in diá bidon in hukuman kon i monia inta nobiag notobatú i Kristus Yesus.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

KORINTUS 1 16:20

Bayongan utat kon naa nokipoyaput doman in salam kon i monimu. Posisalaman kopiaan totok in moiko saḷaku tumpaḷa utat Keresten.

KORINTUS 2 13:12

Posisalamandon in moiko, podoyon kon tabi saḷaku tumpaḷa umat i Allah. Bayongan umat i Allah nokipoyaput doman in salam monia kon i monimu.

KORINTUS 2 5:17

Intau inta notobatúdon i Kristus in totu-totuu bidon sinoimbagu. Inta ain nokoyongan in diá bidon, komintan bidon sinoimbagu.

EPESUS 6:23

Poigumon mako ki Allah ki Amá naton bo ki Tuhan Yesus Kristus mobogoi in kasampatan kon bayongan jamaat motobatú bo umuran mototabian bo umuran doman mopirisaya kon i Kristus.

TESALONIKA 1 5:26

Aher mako poyaputpa in salam nami kon bayongan utat pinodoyon kon totabian saḷaku intau inta mopirisaya kon i Kristus.

YOHANES 3 1:14

Haraponku mako tua in ḷagidon moyodungkuḷmu, bo kita mongonguman moyogintayowan mako.