PETRUS 1 2:15 - Alkitab Singog In Mongondow Masa In Tanaa

¹⁵ Sin ibogon i Allah bá oaid monimu inta mopia tua in momompon kon bibig in intau inta tongá kinosingo-singognea.

PETRUS 1 2:15 Mawu Ofanana

AYUB 2:10

Tubag i Ayub, “Iko nion in mosingogbí naonda bo intau dondunguḷ! Umpaka yo tongábí in kita moibog motarima kon onu inta mopia nongkon i Allah, bo inta diá mopia in diábí tarimaan naton?” Dá, umpakabí in ki Ayub kinoantugandon in bayongan bodito tatua, diábí in sia nopoyaput in tosingogon moḷawang kon i Allah.

AYUB 5:16

Tanaa in oyúonpa bui in kamang kon intau inta diá koonu bo onu. Bo intau moraat in tongádon kibio-biómai diádon moposingo-singog, sin pinomponandon i Allah in bibignea.

MAZMUR 107:42

Intau motuḻid in mokoontong bo mopia in gina, táe intau moraat in sinukuman.

MAZMUR 5:5

Iko in Allah inta doí kon inta aid moraat; inta moraat in diábí motaau in mamangoi kon ini-Mu.

AMSAL 9:6

Taḷaaidon in kobobodok, sinbá mosanang in iko. Duduiaidon in daḷan in intau moarip.”

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

MATIUS 25:2

Ḻima in kon sigad monia tua in nobodok, táe ḻima doman in mobijaksana.

MATIUS 7:26

Táe pomuḷoi intau inta nokidongog kon singog-Ku tongá doí dinumudui, yo sia tua in notongkai in intau bodok, inta noposindog in baḷoinea kon tudu in bungaion.

SURAT I PAULUS KON JAMAAT RUM 1:21

Intau in nonotaau bidon kon i Allah, táe diábí i horomat monia in Sia saḷaku Allah bo mosia in doí doman mosukur kon i-Nia. Sin soaḷbí mita inta diá in mangaḻenea in raion monia; nosindipdon in gina monia.

GALATIA 3:1

Utat mita intau in Galatia! Moiko nion in totuudon mobodok! Ki ine degá in nopongaru kon i monimu? Eta kinoḻiongandon monimu inta pinogumanku kon tayowonmai monimu. Akuoi in noguman kon ki Kristus aindon pinopopakú kon kayu pinoyotaḻempang!

ULANGAN 32:6

Natua degá in pototuḻí monimu kon kopopia i Tuhan, ei intau mita dondunguḷ bo diá koraian? Diá kinotaauanmu kon Sia in ki Amámu, inta nomaḻí kon inimu inta nomia kon i monimu bangusa tobatú?

TESALONIKA 1 4:3

Nanaa in kinoibog i Allah: Ibogon-Nea moiko in mobiag tongábí kon bonu in kawasa-Nea; mobiag modarit kon bayongan in yagi-yagi bo yumayú kon oaid mita mokotor bo inta diá mopia.

TESALONIKA 1 5:18

Naondakabí in kaadaan monimu, yo tantúbí posukur, sin tuata in kinoibog i Allah aidan monimu saḷaku intau mita inta ain nobiag notobatú i Yesus Kristus.

TIMOTIUS 1 1:13

umpakabí tungkuḷ intua akuoi naa in umuran moponapud in diá totuu bo momogutú poḷat doman moningkuḻe kon i-Nia. Táe sinotabibí i Allah in akuoi, sin dodai intua akuoi in diápa mopirisaya, sahingga in diábí kinotaauanku onu in pinomiaku tatua, noitutui ande noitaḷá.

TITUS 2:8

Kopiaan in mosingog, dika mongonguman kon uboḷ, sinbá saturumu mita in mooyá sin diá in soaḷ mita inta diá mopia in motaau monia posingog kon i naton.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

PETRUS 1 3:16

Táe koaḷusbí in pototubag takin horomat. Ginamu in musti totu-totuu motuḻid, sinbá aka poponapudan uboḷ in moiko lantaran nobiag notompia saḷaku dumodudui i Kristus, dá intau inta noponapud in uboḷ tatua kon inimu buibí mooyá tontaní.

PETRUS 1 3:17

Maníka mororiga lantaran nogaid kon inta mopia aka tuabí in kinoibog i Allah, dika in mororiga popisí in nogaid kon inta moraat.

PETRUS 1 4:2

Manangka intua, kobiagdon in moiko kon singgai moiduduimai podudui in onu inta kinoibog i Allah, bo deemanbí dumudui kon ibog in intau.

PETRUS 2 2:12

Táe aid in intau mita tatua in moiḻiudon totok! Mosia tua in naonda bo mahaḷuk inta pinononggadí sin domokon bo ḻimodon. Mosia tua in diábí morai, tongábí mogaid podudui in onu inta kinoibog monia aidan, sahingga in onu inta diá kinomangaḻean monia totokdon in singkuḻeon monia. Dá oaid bidon monia tontaní in mokobodito kon i monia tua naonda bo mahaḷuk mita inta mongoromú.

YUDAS 1:10

Táe mosia in kopia nopoyaput in tosingogon mita pohojat kon bayongan inta diá kinomangaḻean monia. Mosia tua in nádon onda bo mahaḷuk inta diá koraian, inta nonotaau kon soaḷ mita tongá podudui in porasaan monia. Bo soaḷbí mita tatua inta mokopopisí kon koyoyangan monia.