PETRUS 1 1:13 - Alkitab Singog In Mongondow Masa In Tanaa

¹³ Tuamai moiko in musti umuran mobasadia. Pokoingat bo totu-totuu poharap kon barakat inta bain ogoi kon i monimu kon wakutu in ki Yesus Kristus mamangoi bui.

PETRUS 1 1:13 Mawu Ofanana

DATU MITA IMITÁNEA 18:46

Kon dodai intua ki Elia nokouḻí kon ropot nongkon i Tuhan. Nongopí in sia kon jubahnea pinodamonik bo pinopotogotnea kon ogotannea bodongka noribatuk inumuna kon i Ahab kinoouput in daḷan nodapot kon bonawang in kotá Yizreel.

DATU MITA 2 4:29

Ki Elisa in nobobui kon i Gehazi bo noguman, “Koḻikat! Gamá in tungkudku bo ḷagidon bayá kon baḷoi i iná tanaa. Dikadon mogogai bo momahasa kon i ineka in moyodungkuḷmu kon daḷan. Aka oyúon in intau momahasa kon inimu yo dikadon mokopoonggot in motubag kon tua. Naonda in yaputmu, ukatdon in tungkudku kon awak in adí tatua.”

AYUB 38:3

Tanaa, tayowaidon in Akuoi saḷaku ḷoḷaki, bo tubagai in ḷoḻibó mita tanaa.

AYUB 40:7

Bo ki Tuhan in noguman kon i Ayub, “Tayowaidon in Akuoi saḷaku ḷoḷaki, bo tubagaidon in bayongan ḻibóon-Ku tanaa.

IḶUAIAN 12:11

Kon oras in moiko mongaan musti koyongandon nopaḷut nonoḻisí sin mayá, mogi aip in sioḷ bo kokada-kadai in tungkud. Pokoḷamemet in moiko mongaan. Tuata in porayaan Paska sin mohoromat kon i-Nakó, ki Tuhan.

YESAYA 11:5

Sia in mogaid pongin moadil bo motoindudui kon bayongan yagi-yagi.

YEREMIA 1:17

Posadiadon, Yeremia! Bayádon bo potaaudon kon i monia, bayongan inta pinoki aid-Ku kon inimu. Dika moondok kon i monia, sinbá diá baḻíon-Ku in iko totok in moondok aka moyogintayowan mako monia.

MATIUS 20:4

Dá sia in noguman kon i monia, ‘Bayádon in moiko bo pogaid kon gobá in anggurku, bain uboḻianku in moiko, podudui onu in kon ibogku ogoi kon inimu.’ Bo mosia tua in minayá doman bo nogaid.

LUKAS 12:35

“Umuran koḷuka-ḷukad in tumayow kon yagi-yagi. Musti umuran koabi-abit bo togámu in tatap poyongkiton,

LUKAS 17:30

Natua doman in mobaḻí kon wakutu in Adí Intau mamangoi.

LUKAS 17:8

Tantú diábí natua! Sia in pastibí moguman kon bobantungnea nanaa, ‘Koḻikatdon bo oḷudaipa in akuoi. Pogiḷambung in ḷambung inta modarit bo oḷaton in akuoi dapot in mopaḷut mongaan bo monginum; bain tua bo mongaan in iko.’

SURAT I PAULUS KON JAMAAT RUM 13:13

Musti in kita mogaid kon soaḷ mita motompia ná inta biasamai aidan in intau kon tungkuḷ in mobayagpa. Dika mogaid kon rame inta moiḻiu, ande moḷoḷangu. Dika mogaid kon inta mokoromú ande oaid inta diá koendar. Dika moporopatoi, bo dika mosiintoian.

SURAT I PAULUS KON JAMAAT RUM 8:19

Bayongan in mahaḷuk mogoḷat bo moibogdon totok mokoontong kon wakutu i Allah moponiata kon i adí-Nea mita.

KORINTUS 1 1:7

Tuamai barakat kon i monimu in diábí modai-dait kon dodai in moiko mogoḷat mako kon koangoian i Tuhan naton ki Yesus Kristus.

KORINTUS 1 13:13

Dá toḷu tanaa in musti tantú aidan monimu: mopirisaya, umuran moharap bo tantú mositabian. Bo nongkon toḷu nopasaḷ tanaa totabianbí kon tumpaḷa intau in totok moponting.

EPESUS 6:14

Moiko in musti umuran mobasadia. Ginamu inta motoindudui kon i Allah aidaidon naonda bo abit bo gina motuḻid aidaidon naonda bo ḷambungmu uatoi.

KOLOSE 3:4

Aka ki Kristus inta nobaḻí pangkoi in kobiagan naton, koontongandon bui yo moiko doman in koontongan moyotakin-Nea kon bonu in kamuliaan-Nea!

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

TIMOTIUS 2 4:5

Manangka intua uḻe kawasaai in ginamu, onukabí in mobaḻí. Mokoposabar aka koantugan in yoyiga, umurai aidai in oaidanmu saḷaku intau inta mopopotaau in Habar Mopia tatua. Kopirabí totok in mogaid kon oaidan inta ain inogoi i Tuhan kon inimu.

TIMOTIUS 2 4:8

Bo tanaa mako in pinopooḷatdon mako kon inakó in saḷaku intau inta nountung. Kon singgai ponantúan ki Tuhan, hakim inta moadil totok tua in moposarakan in tombuinag tatua kon inakó. Deemanbí doman tongá akuoi in motarima kon tombuinag natua, táe bayonganbí doman intau inta umuran mogoḷat mako kon koangoian bui i Tuhan.

IBRANI 10:35

Manangka intua, dikabí ukatan monimu in onu inta ain pinirisaya monimu sin aka moiko umuran mopirisaya, dá moḷobenbí in mangaḻe inaidanmu tua!

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

IBRANI 6:19

Onu i harap mako naton tua in naonda bo jangkar inta noikanom mako kon tampat inta modaḷom totok bo nobaḻí kokadaian inta moropot totok bo mokoaman kon kobiagan naton. Onu inta iharap mako tua ain noidapot in yuang inta totok in motusi kon Baḷoi Tuhan kon soroga.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

PETRUS 1 1:10

Kasaḷamatanbí tanaa inta ain pinirikisa kinopia totok in nabi mita inta nopoyaput in koyow i Allah soaḷ totabi bo barakat inta inogoi i Allah kon i monimu.

PETRUS 1 3:15

Táe kon bonu in ginamu, musti in moiko mobogoi in ponghoromatan tontaní inta moyokaan in kadudukan-Nea saḷaku Tuhan. Bo umuran pobasadia in motubag kon intau mita inta moibog mopoḻibó-ḻibó kon soaḷ inta nobaḻí dodoyonan in pirisaya monimu.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

PETRUS 1 5:12

Suratku inta nopoḷok tanaa in pinoki paisku kon i Silas, intau inta inanggapkudon ginaḷum bo motaau pirisayaan. Surat tanaa in pinotuju kon i monimu. Akuoi in mononggina bo mopoyakin kon i monimu, kon onu inta pinaisku naa in habarbí totuu soaḷ totabi i Allah. Manangka intua akuoi in moguman sinbá moiko in umuran mokoporoton in kumadai kon totabi i Allah kon i monimu.

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

YOHANES 1 3:3

Komintan intau inta oyúon in harapan nanaa kon i Kristus, musti totuu mokopodarit kon kobobiag, modarit nongkon dosa mita naonda bo ki Kristus nodarit doman.