PETRUS 1 1:11 - Alkitab Singog In Mongondow Masa In Tanaa

¹¹ Mosia in nonaridi mongo naonda bo toonu in kobaḻían intua, inta imakusud in Roho i Kristus tua in onubí inta oyúon kon awak monia. Kon wakutu intua Roho-Nea ain noguman muna kon i monia soaḷ roriga mita inta musti korasaan i Kristus bo soaḷ kamuliaan-Nea inta moiduduimai onda intua mopaḷut.

PETRUS 1 1:11 Mawu Ofanana

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

YESAYA 49:6

Ki Tuhan in noguman kon inakó, “Oaidan inta moḷobe-ḷoben in mogoḷat mako kon inimu, ei mogogundoi-Ku; iko in diábí tongá mopobui in ki agat in buí i Yakub bo mopoguḻit kon koḷoḷoben in suku mita in Israel, táe baḻíon-Ku doman bayag in bangusa mita, sinbá sinangkub in dunia posaḷamaton.”

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

MATIUS 26:24

Adí Intau in memang mustibí mayá podudui inta aindon pinais soaḷ Sia, táe moboditodon in intau inta moposarakan kon i Adí Intau tatua. Mopia-piabí in intau natua diá pinononggadí!”

LUKAS 24:44

Onda intua Sia in noguman kon i monia, “Naadon in soaḷ mita inta ain pinoguman-Ku kon i monimu kon wakutu in kotaki-takinpa monimu in Akuoi: kon bayongan inta ain pinais soaḷ Akuoi kon bonu in buk i Musa bo buk in nabi mita, bo buk Mazmur, tua in mustibí mobaḻí.”

YOHANES 12:41

Ki Yesaya noguman natua sin sia ain nokoontong kon kamuliaan i Yesus, bo nongongumandon soaḷ Sia.

OUMAN IN RASUL MITA 16:7

Naonda in noiyaput kon sigad in Misia, mosia in nonungkuḷ sinumuot kon propinsi Bitinia, táe diá inogoi in Roho i Allah.

SURAT I PAULUS KON JAMAAT RUM 8:9

Táe moiko in diábí nobiag podudui in ibog in awak naa, moiko in nobiagbí podudui in ibog in Roho i Allah, aka totuu Rohodon i Allah in nongawasa kon i monimu. Táe aka kon intau tatua bo diá in Roho i Kristus, yo sia tua in deemanbí kapunyaan i Kristus.

GALATIA 4:6

Moiko nion in ki adí mita i Allah, dá pinotabá-Neadon in Roho i Adí-Nea mamangoi kon i naton inta tantú mokuani; Amá, o Amáku.

PETRUS 2 1:21

Sin diábí kon dodai in onda koyow inta nongkon i Allah tatua in pinotaau tongá pinodudui kon ibog in intau inta noibog nopoyaput in koyow-Nea tatua.

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.