OMBAḶ 4:8 - Alkitab Singog In Mongondow Masa In Tanaa

⁸ Táe tanaa in pogot monia in morondi-rondídon nongkon buing nongoitongkob kon daḷan mita bo diádon in nonotaau kon i monia. Kuḻit monia in mopurum-purudon kon tuḷan mita, naonda bo kayu inta noingkagdon totok.

OMBAḶ 4:8 Mawu Ofanana

AYUB 19:20

Awakku dongkadon kuḻit nobakut kon tuḷan. Gogiódon akuoi matoi bo dimukudku in mayá.

AYUB 2:12

Táe naonda in inontong monia nongkon noyayú, gogió bo diádon kinotaauan monia. Mosia in nongombaḷ noropot bo nomerak kon ḷambung monia poḷat noponabud in ḷobud kon toḷungayá bo kon uḷu.

AYUB 30:30

Kuḻitku in irumondí; awakku in nopokak sin pinonik in patú.

AYUB 33:21

Awaknea irumutuk totok, tuḷannea mita in koontongandon komintan.

MAZMUR 102:11

sin Iko in nobuatdon bo nopogambat kon inakó kon bonu in torú-Mu inta sinumaga-tagab.

MAZMUR 119:83

Kuḻitku in noḷubakdon naonda bo botutu in anggur inta ain nokoyongan, táe atorang-Mu in diábí koḻionganku.

MAZMUR 32:4

Singgai doḷom Iko in mondorot kon inakó, Tuhan, ropotku in nodait naonda bo sinotop in patú in singgai.

MAZMUR 38:3

Piot-Mu in noiḷambai nonongkekeb kon awakku, ḻima-Mu in korasaan mobogat in mondorot kon inakó.

YESAYA 52:14

Dungkuḷmai nobayong in intau in noitaḻikokog in nokoontong kon inia, pogotnea in pinoguyaat dá deemandon ná pogot in intau.

OMBAḶ 5:10

Kami in inaput in gogoy, nodapot in kuḻit nami monombaga naonda bo kon doḷuong.

YOËL 2:6

Kon tungkuḷ in mosia nonubu, bayongan in intau nourot, bayongan in pogot nobilai nobilo.

NAHUM 2:10

Niniwe in norimumudon, moingongow bo noḷogat. Gina in noḻia-ḻiawdon sin moondok. Duḷud in moḻemédon bo mourot. Pogot in bayongan in intau nongobilaidon totok.

LUKAS 10:11

‘Umpaka ḷobud in kotámu naa inta nongoikompit kon sioḷ nami, daiton doman nami topiran saḷaku tompoingat kon i monimu. Táe bá kotaauan monimu kon diá bidon moonggot in ki Allah mamangoi momarenta saḷaku Datu kon yua-yuak monimu!’