OMBAḶ 4:21 - Alkitab Singog In Mongondow Masa In Tanaa

²¹ Ei bangusa in Edom bo Us, kosingdon mako, koḷungangadon, kon dodai in motaaupa! Bodito in moiangoibí doman kon inimu bo popisí in moḷoḷangu dá iko in momilangbí doman kon awakmu.

OMBAḶ 4:21 Mawu Ofanana

KINOBAḺIAN 36:28

Ki adí mita i Disyan in ki Us bo ki Aran.

TAWARIKH 2 28:19

Popisí in ki Ahas datu in Yohuda nonaḷámai kon i Tuhan bo diá nomarenta kon rayatnea ná inta musti aidannea, dá ki Tuhan in nopoangoidon in roriga kon Yohuda.

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

MAZMUR 137:7

O Tuhan, toropdon in aid mita in intau in Edom kon tungkuḷ in Yerusalem iyompat. Mosia in noguman, “Umpagdon, umpagdon dapot in apadnea mita!”

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

YEREMIA 49:12

Intaupa inta diá patus hukumon, in kinotugatan doman in hukuman, yo umpaka dá moiko in diá? Notantú bidon kon moiko in mustibí hukumon!

YEREMIA 49:7

Naa in pinoguman i Tuhan Inta Totok in mokawasa soaḷ Edom, “Eta degá intau in Edom diá motaau morai mokopobijaksana? Eta mononongginanea diádon degá nononggina kon i monia? Noinggamádon degá in kobobijaksana monia!

YEHEZKIEL 25:6

Ki Tuhan Inta Totok in moḷantud in noguman, “Moiko in monggoḷokap sindaḷan motayok sin moḷunganga in gina. Moiko in mopoompámai kon butá in Israel.

YEHEZKIEL 25:8

Ki Tuhan Inta Totok in moḷantud in noguman, “Moab in noguman kon Yohuda tua in notongkai in bangusa mita ibanea.

YEHEZKIEL 26:2

“Ei intau inta ilo-ilow, intau in Tirus ain nonggoḷokap poḷat moguman, ‘Yerusalem in norimumudon! Ropotnea kon podagangan noinggamádon! Diádon in sia nobaḻí saingan naton!’ ”

AMOS 1:11

Ki Tuhan in noguman, “Intau in Edom ain nopobui-buimai binaradosa, tuamai in notantú bidon kon hukumon-Ku in mosia. Diá bidon in tabi monia in nonubu kon intau mita in Israel, ki utat mita monia. Mosia in umuran tumorú bo umuran motagú kon gina.

OBAJA 1:1

Naa in toḷanow i Obaja; sia nopoyaput in koyow i Tuhan Inta Totok in moḷantud soaḷ bangusa in Edom: Ki Tuhan ain nopotabá in totabá-Nea namangoi in bangusa mita, bo kita in nokodongogdon kon koyow mita inta dinianea noiduduimai naa, “Posadiadon moparang! Igai mayá in kita monubu kon Edom.”

MIKHA 1:11

Moiko intau i Sapir, pobuatdon bayá in poḷumbúan takin diá mogiḷambung bo takin oyá! Intau mita in Zaanan in diá mokobaḻí in ḷumuai nongkon kotá monia. Karak in intau in Bet-Haezel in mopoontong kon inimu kon tua in diádon in oḻiungan bui.

HABAKUK 2:16

Yo tanaa in noiyaputdon in wakutumu pokopooyáanmai, bo deemanbí horomaton. Kahoromatanmu in mobaḷui mobaḻí kohohina. Ki Tuhan in momakisa kon inimu monginum nongkon palo inta bonunea in hukuman kon inimu. Iko in monginumbí bo moipape magí mako.

WAHYU 16:15

“Indongogaidon! Akuoi in mamangoi ná mononakow! Mosanangdon totok in intau inta umuran mobasadia bo inta umuran monarukiramai kon pakeangnea, simbá diá mopilang in sia in maya-mayá mako, bo koontongan intau moantó in dodiaannea!”