OMBAḶ 4:20 - Alkitab Singog In Mongondow Masa In Tanaa

²⁰ Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

OMBAḶ 4:20 Mawu Ofanana

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

KINOBAḺIAN 44:30

“Tuamai, Tuangku,” Guman i Yohuda kon i Yusup, “aka bobantungmu naa mayádon bui kon i amá nami bo diá kotaki-takin i ai-ai nami tatua, yo notantú bidon kon ki amá nami tua in matoibí. Nyawanea in noitogot bidon kon adí tatua, bo sia totokdon in nogoguyang sahingga ajar in gina inta diaan nami kon inia tua mokopopisídon kon kopatoiannea.

SAMUEL 2 1:14

Guman i Daud, “Mokobaḻíbí totok in iko in moḻimod kon datu inta piniḻí i Tuhan!”

SAMUEL 2 1:21

Ei buḷud mita in Gilboa, indongogaidon in baḷúku: Dika modapot in oḷú bo uyan momuntad kon inimu! Pomayádon mako moingkag bo moḷogat in gobá bo tampat popokaanmu in biag. Sin kon tuata in kinogambatan in kaḻeaw in intau mita mobarani. Bo kaḻeaw i Saul in kaḻiotáan, diádon iḻepoan bui in ḷana.

SAMUEL 2 18:3

Táe intaunea mita tatua in notubag, “Dika Tuang. Sin aka kami bo pakisadon moḷagui, andeka tongobotak kon inami in matoi, yo diápabí doman mopia in gina in musung, sin ki Tuangbí in tayakon monia. Ki Tuang in notongkaibí in boḻi in mopuḷú noribu in intau nongkon inami. Mopia-piabí in ki Tuang mokidia mangoi in totuḷung kon inami nongkon kotá.”

SAMUEL 2 19:21

Nokodongogmai kon tua in ki Abisai adí i Zeruya noguman, “Ki Simei in patusbí hukumon matoi sin sia ain nogodi-godimai kon i datu inta piniḻí i Tuhan.”

TAWARIKH 2 35:25

Ki Nabi Yeremia in nomia kon dondong amui tobatú kon i Datu Yosia. Nodapot in tanaa dondong tatua in pinaké kon Israel in intau mita mododondong, pinomayá ḷoḷaki andeka bobay, kon pinonogumatoian kon i Yosia. Dondong tatua in pinotuotdon kon bonu in pinosipunan kon dondong mita in amui.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

YEREMIA 39:5

Táe dinuduran in tontara in Babel in mosia bo nodomok kon i Zedekia kon ḷopá in Yerikho. Onda intua sia in dinia kon i Datu Nebukadnezar kon kotá in Ribla kon daerah in Hamat, bo pinopoḷabúan in hukuman minatoi.

YEREMIA 52:8

Táe tontara in Babel nondudur kon i Zedekia, bo nodomok kon inia kon ḷopá in Yerikho. Bayongan in intaunea noḷagui nonaḷámai kon inia.

YEREMIA 52:9

Onda intua ki Datu Zedekia dinia kon i Datu Nebukadnezar kon kotá in Ribla kon daerah in Hamat, bo iḷabúan in hukuman minatoi.

OMBAḶ 2:9

Bonawangnea mita in kinobumbunandon in butá, bayongan in bonoboinea mita noputoḷ; datu bo pojabat in pomarenta dinia kon pinoḷumbúan. Hukum i Tuhan in diádon bui sinundú; nabi in diádon notarima kon tongkoyow nongkon i Tuhan.

YEHEZKIEL 12:13

Táe pogambat-Kubí in landará-Ku sin podomok kon inia. Bo diaan-Ku in sia kon kotá in Babel, bo kon tua matoi in sia takin diá bidon mokoimontanmai in mokoontong kon kotá tatua.

YEHEZKIEL 17:18

Popisí in iḻimimpatdon in sia kon ibot bo dodandiannea, sia in diábí mokopoḷagui.

YEHEZKIEL 31:17

Mosia in modia kon inia pobayá in dunia in intau minatoi bo moyosipun takin monia inta ain noḷabú. Bo bayongan inta dungkuḷmai iḻimitú kon siungon in pangkoi in kayu tatua in poraritonbí kon sigad in bangusa mita.

DANIEL 4:12

Daunnea mita in nongoḷunow bo bungainea in modatog totok, tugatbí kaanon in bayongan inta nogutun kon dunia naa. Mahaḷuk mita ḻindong in nosiug mako kon siungonnea bo ḷagapan mita in nonompugad kon tanganea mita. Bo bayongan in mahaḷuk motaaubí mokaan kon bungainea mita.

HOSEA 13:10

Inigum monimu in datu bo itoi, táe kon onda in tanaa in mosia? Mokoposaḷamat degá in mosia kon rayatmu?

HAKIM MITA 9:15

Bonganga tatua notubag, ‘Aka totu-totuubí in moiko moibog mopobaḻí kon inakó datumu, dá koḻigaidon kon siungonku. Aka doí in moiko, dá nongkon tangaku mita inta dodugian naa ḷumuaidon in tuḷú inta momokak kon bayongan pangkoi in aras kon Libanon.’ ”

SAMUEL 1 12:3

Tanaa in akuoi sinimindogdon kon tayowon monimu! Aka akuoi in nogaidon kon taḷá, yo potaaudon kon tayowon i Tuhan bo kon tayowon i datu inta piniḻí-Nea. Degá nokoimontandon in akuoi nogamá kon sapi andeka keledai in intau ibanea? Degá nokoimontandon in akuoi nonguboḷ andeka noposikisa andeka notarima kon doit poguboḻi kon taḷá? Pogumandon, sinbá onukabí inta ain ginamáku yo pobuionkudon bui.”

SAMUEL 1 12:5

Bo nogumandon in ki Samuel, “Kon singgai in naa ki Tuhan bo datu inta piniḻí-Nea in nobaḻí sakusi kon akuoi in noniatadon kon diábí kotaḷá topiḻikmai.” “Oo totuu, ki Tuhan in nobaḻí sakusi naton,” tubag monia.

SAMUEL 1 16:6

Naonda in mosia noyosipun bo ki Samuel nokoontong kon i Eliab adí i Isai, kon raiannea, “Notantú bidon kon sia naa inta piḻíon i Tuhan.”

SAMUEL 1 24:10

Nobobui in ki Saul ná tumi bo sinumungkud in ki Daud takin horomat bodongka noguman, “Nongonu sin ki Tuang Datu in mokidongogbí kon singog in intau inta noguman kon akuoi in moibog mopobodito kon i Tuang Datu?

SAMUEL 1 24:6

Táe nopaḷut mako, ki Daud nokorasa noitaḷádon sin ain nomia kon tua.

SAMUEL 1 26:16

Iko nion in diá mokoaid kon oaidanmu, Abner! Podoyon kon i Tuhan inta nobiag moiko komintan in patusbí matoi, sin diá noḷukad kon i tuangmu, datu inta piniḻí i Tuhan. Tungkuḷaika indoiai! Kon onda degá in pandong i datu? Kon onda degá in tampat in tubig inta inukat kon uḷuannea?”

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.