OMBAḶ 3:58 - Alkitab Singog In Mongondow Masa In Tanaa

⁵⁸ Iko in namangoi noḷongasi noduḷu kon pelekaraku, o Tuhan, nyawaku in pinosaḷamat-Mudon.

OMBAḶ 3:58 Mawu Ofanana

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

AYUB 35:14

Ayub, apadoman aka iko in moguman kon iko in diá nokoontong kon i-Nia, bo pelekaramu in kon tayowon-Neadon bo iko in mogoḷat mako kon i-Nia!

MAZMUR 103:4

Sia inta nopoḷuat kon nyawamu nongkon poḷoḷobongan, inta takin tabi nobogoi kon inimu bo nonotabi.

MAZMUR 34:22

Inta moraat in matoibí popisí in aidnea moraat, intau inta mondoí kon intau motoḷutui in hukumonbí.

MAZMUR 71:23

Akuoi in monggiow takin pia in gina, sindaḷan mopodondong in dodayow kon ini-Mu. Dimukud bo awakku modondong takin pia, sin Iko in noposaḷamatdon kon inakó.

MAZMUR 9:5

Sin Iko in nomarenta saḷaku hakim inta moadil; Iko in noduḷudon kon pelekaraku.

YESAYA 51:22

Naa in guman i Tuhanmu, Ki Tuhan Allahmu inta noduḷu kon i monimu, “Roriga inta inogoi-Ku kon bonu in torú-Ku, in gamáan-Kudon bui nongkon inimu. Torú-Ku in moonowdon, bo moiko in dikadon mobaba kon tua.

YEREMIA 11:20

Bo akuoi in nosambayang, “O Tuhan Inta Totok in mokawasa, Iko in hakim inta moadil; Ikobí in nonungkuḷ kon raian bo gina in intau. Pelekaraku tanaa in posingayowon-Ku kon ini-Mu. Igumon mako koontonganku in Iko motuḻí kon aid in intau mita tatua.”

YEREMIA 31:11

Umat in Israel ain pinosaḷamat-Ku, bo pinoḷuat-Kudon nongkon bangusa inta moropot.

YEREMIA 38:13

Bo inugut pinoonik monia in akuoi, iḻumuai nongkon parigí tatua. Nopaḷut mako kon tua akuoi sinahang kon palas in komaḻig.

YEREMIA 50:34

Táe Akuoi in mopoposaḷamat monia inta moropot, inta moduḷu kon pelekara monia bo modia kon dodamean kon dunia. Táe kon intau in Babel popoangoi-Kubí in ropatoi bo ondok.”

YEREMIA 51:36

Tuamai in ki Tuhan in noguman kon intau in Yerusalem, “Akuoi in motuḷungbí kon pelekaramu bo motuḻí kon aid mita in musungmu mita kon inimu. Bokaká mita bo ongkag mita in Babel ingkagan-Kubí.

SAMUEL 1 25:39

Naonda in kinodongogan i Daud kon ki Nabal in minatoidon, noguman in sia, “Dinayo-dayowdon in ki Tuhan! Sia ain notuḻí kon singkuḻe i Nabal kon inakó, bo ain nogimaḷow kon bobantung-Nea naa mogaid kon inta moraat. Ki Tuhan ain nohukum kon i Nabal popisí in aidnea inta moraat.” Onda intua ki Daud nopotabá in intaunea minayá kon i Abigail sin mogamá kon inia mobaḻí ki buḷoinea.