OMBAḶ 3:56 - Alkitab Singog In Mongondow Masa In Tanaa

^56-57 Totok in poigumonku kaasí dikapa momompon kon bongoḷan-Mu kon onu inta poigumonku sinbá Iko in motuḷung kon inakó. Dá sambayangku in inindongogan-Mudon, bo Iko in namangoi dinimiug; iko in noguman, ‘Dika moondok.’

OMBAḶ 3:56 Mawu Ofanana

TAWARIKH 2 33:13

Ki Allah in nokidongog bo nogaid kon onu in pinoigum i Manasye bo nopobui kon inia minayá in Yerusalem sin momarenta bui. Popisí in onu inta nobaḻí tatua ki Manasye in noyakindon kon ki Tuhan in ki Allahbí.

TAWARIKH 2 33:19

Kon bonu in buk Ouman in Nabi mita pinais domandon in sambayang i Manasye bo tubag i Allah kon sambayang tatua, bo ouman in dosanea mita kon dodai in sia diápa nogogai in nogaid kon dosa, tampat mita pososumbaan kon berhala bo patong mita i Dewi Asyera inta pinomianea, bo berhala mita inta sinumbanea.

AYUB 34:28

Mosia in nokopopisí kon inta nobogá morogamui ombaḷ monia inindogogan i Allah.

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 34:6

Intau dinorot nongamang kon i-Nia bo mopia in gina, diábí in dodoyonan monia kon mooyá.

MAZMUR 5:2

O Tuhan, indongogaipa kaasí in tosingogonku mita, taridiaipa in amuiku mita.

MAZMUR 5:3

Indoiaipa kaasí in oigumku bo tuḷungaipa in akuoi, o Datuku, o Allahku.

MAZMUR 55:1

Kon i itoi in mododondong. Takin ito-itog kecapi. Dondong topotundú i Daud.

MAZMUR 55:18

Singgai doḷom mogamui bo mongombaḷ in akuoi, bo dinongog-Nea in singogku.

MAZMUR 55:2

O Allah, indongogaipa kaasí in sambayangku, dika toḻikudan in oigumku.

MAZMUR 66:19

Táe inindongogandon i Allah in akuoi, sinaridiandon i Allah in oigumku.

YESAYA 38:5

mayá bui kon i Hizkia bo mopotaau in koyow tanaa, “Akuoi, ki Tuhan, Allah inta sinumba i Daud mogoguyangmu, nokodongogdon kon sambayangmu bo nokoontongdon kon ḷuámu. Dugangan-Kudon in umurmu mopuḷúpa bo ḻima notaong.

DANIEL 9:17

O Allah nami, indongogaipa kaasí in sambayang bo oigumku. Pomiadon bui in baḷoi-Mu inta ain iyompat tatua, tompiadon sinbá bayongan in intau monotaau kon Ikobí in ki Allah.

SURAT I PAULUS KON JAMAAT RUM 8:26

Tongá Roho i Allah in mamangoibí motuḷung kon i naton aka kita in moyangkódon. Sin diábí kotaauan naton naonda in pososambayang naton. Rohobí tatua in mayá tumayow kon i Allah bo mopoigum kon bayongan inta inamuimai naton.