OMBAḶ 3:42 - Alkitab Singog In Mongondow Masa In Tanaa

⁴² “Kami in binaradosa bo nomarontak kon ini-Mu, o Tuhan, bo diábí iko mongampung.

OMBAḶ 3:42 Mawu Ofanana

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

EZRA 9:6

Akuoi in noguman, “Oo Allahku, akuoi naa in mooyá in dumungá kon tayowon-Mu. Dosa nami in moyo-moyoguntuḷdon kon tudu in uḷu nami noidapotdon in ḷangit.

NEHEMIA 9:26

Táe umat-Mu in nomarontak bo diá motoindudui kon ini-Mu, nonaḷámai kon hukum bo atorang-Mu, noḻimod kon nabi mita inta nopotoingat kon i monia, bo inta nopotabá kon i monia mamangoi bui kon ini-Mu, ki Allahnea. Oo Tuhan, pomuḷoi doman mako Iko in singkuḻeon monia,

MAZMUR 107:11

sin mosia in nomarontakdon kon i Allah bo diá nopandungmai kon parenta i Inta Totok in moḷantud.

YEREMIA 14:20

Tuhan, tongábí kon ini-Mu tontaní kami in nogaidon kon dosa Akúon nami in dosa nami tontaní bo dosa in mogoguyang nami.

YEREMIA 3:13

Akudon kon iko in kotaḷá bo ain nomarontak kon i Tuhan, Allahmu. Akudon kon bayongan siungon in pangkoi in kayu inta mobambar iko in nobogoidon in tabimu kon ilah mita in bangusa ibanea, bo diá dinumudui kon parenta-Ku mita. Akuoi, ki Tuhan ain nosingog.”

OMBAḶ 1:18

Táe ki Tuhanbí in totuu, popisí in parenta-Nea ain iḻimpatanku. Indongogaipa in akuoi, ei bangusa mita, indoiaika in akuoi kon bonu in roriga. Intau mita tayowmobiag bo mongodeagaku in dinakop, bo inakut pinobayá in pinoḷumbúan.

OMBAḶ 5:16

Onu inta nokoyunggagá kon inami in diádon, kami in nobodito popisí in binaradosadon.

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

DANIEL 9:15

Oo Tuhan, Allah nami, Iko in nopoontongdon in kawasa-Mu pinongin nodia kon umat-Mu iḻumuai nongkon Mesir, bo kawasa-Mu tatua in umuranpabí toro-toroponmai. Kami in binaradosadon bo nogaid kon noitaḷá.

ZAKHARIA 1:5

Kon onda in mogoguyangmu bo nabi mita tatua in tanaa? Mosia in diádon onda.

ZAKHARIA 1:6

Pinongin in nabi mogogundoi-Ku mita tatua, pinotaau-Ku in parenta mita bo tompoingat-Ku mita kon mogoguyangmu. Táe diá pinandungmai monia dá mosia in musti mobaba kon bungainea. Bo nomanasaḷ in mosia bo ináku monia kon Akuoi, ki Tuhan Inta Totok in mokawasa, nohukumdon kon i monia pinodoyon kon taḷá monia, bo noitombutung kon onu inta ain sinantú-Ku.”