OMBAḶ 3:39 - Alkitab Singog In Mongondow Masa In Tanaa

³⁹ Nongonu sin intau in mustibí mongombaḷ aka hukumon in sia popisí in dosanea mita?

OMBAḶ 3:39 Mawu Ofanana

DATU MITA 2 3:13

“Nongonu sin mopoigumbí in totuḷung kon inakó?” guman i Elisa kon i datu in Israel. “Bayádon mako kon nabi mita in guyangamu!” “Diá!” tubag i Yoram. “Sin ki Tuhanbí inta ain nonomayá kon moposarakan kon inami toḷu kon i datu Moab.”

DATU MITA 2 6:32

Bo ki datu in nopotabá in intau tobatú inumuna kon inia minayá in baḷoi i Elisa. Kon dodai intua ki Elisa in kon baḷoi, bo tongonumai in intau mita inta ihoromat in kon tua doman namangoi nokipodungkuḷ. Kon dodai diápa noyaput in totabá i datu tatua, ki Elisa in noguman kon intau mita tatua, “Indoiaika! Intau inta moḷoḻimod in nopotabádon mangoi in intau sin moḻimod kon inakó. Aka moyaputdon in intau tatua, yo ḻingkopaidon in ngara bo dikabí pomayá mako in sia tumuot. Kon tuminea tua in ki datu.”

DATU MITA 2 6:33

Diápa nopaḷut in ki Elisa nosingog, ki datu noidapotdon intua bo noguman, “Roriga tanaa ki Tuhanbí in nopoḷabú kon inaton! Dá onupabí in mangaḻenea in akuoi moharap mako kon totuḷung-Nea?”

EZRA 9:13

Kami in binaradosadon bo iḻimimpatdon kon hukum-Mu, bo Iko in nohukumdon kon inami. Táe kinotaauanbí nami, o Allah nami, kon hukuman inta inogoi-Mu tua in diábí ná kobogat in inta musti tarimaan nami, nodapotbí in kami in pinosaḷamat-Mupabí.

AYUB 11:6

Bo igumon mako popotaauan-Nea in iko, kon hikmat tua in nobayongbí in batangannea, bo diábí komangaḻean in intau. Dá pokosadardon kon rorigamu in diábí tongo onu, poyobandingonmai in hukuman inta patus tarimaanmu.

AYUB 15:13

Iko in sinumorú kon i Allah bo nomayow kon i-Nia.

MAZMUR 107:17

Oyúon in dondunguḷ bo nororiga popisí in dosa mita monia, bo iroriga popisí in taḷá monia.

AMSAL 19:3

Intau in moporugibímai kon awaknea tontaní popisí in bodoknea, onda intua mopotaḷá kon i Tuhan kon onu inta nobaḻí tatua.

YESAYA 51:20

Kon pomuḷoi in popod in daḷan intaumu mita in noumpag kinodaitan in ropot naonda bo rusa inta noibaaḷ kon pukot. Mosia in kinoantugan in torú i Tuhan, bo kinotugatan in guak i Allahmu.

YEREMIA 10:19

Intau in Yerusalem nomaḷú, “Kami in sinongkekeban modaḷom bo diádon mopia. Koḻipod in kainamikamai dá roriga tanaa in kobabaanbí nami, naanta yo diábí.

YEREMIA 30:15

Dikadon mogamui soaḷ kekebmu mita, sin kon inimu diádon in kamang mopia. Moiko in hukumon-Ku natua popisí in nobayong in dosamu bo moḷoben in taḷámu.

OMBAḶ 3:22

Tabi i Tuhan in umur mononoi, totabi-Nea in diábí modai-dait,

IMAMAT 26:41

dá iḷawang-Ku domandon in mosia bo inuntun-Ku pinobayá in tampat pinoḷumbúan kon butá in musung mita monia. Pangabisannea, aka buímu mita moitungkudon bo dinumuduidon kon hukuman popisí in dosa bo pinomarontakan monia,

IMAMAT 26:43

Táe munapa poḷuaion in intau mita inta nogutun kon butá tatua, sinbá totu-totuu kon moigogaipa. Bo umat-Ku musti mopobayá in hukuman inta pinopoḷabú-Ku kon i monia popisí in doí dinumudui kon atorang bo parenta-Ku mita.

MIKHA 7:9

Kita in binaradosadon kon i Tuhan, tuamai in tanaa kita in mustibí motarima kon torú-Nea. Táe diá bidon moonggot Sia in moduḷu kon i naton bo mobogoi kon onu inta moadil kon i naton. Sia in modiabí kon i naton ḷumuai mamangoi in mobayag; korasaanbí naton tontaní kon Sia in moposaḷamat kon i naton.

PINOGIAPAN 11:11

Dá ki Musa noguman kon i Tuhan, “Nongonu sin pororiga-Mubí nanaa in akuoi? Degá kinodoí-Mudon in akuoi? Nongonu sin pinoki kadai-Mubí kon inakó in bayongan intau tatua?

PINOGIAPAN 16:41

Nopoikoḷomai kon singgai bayongan umat in Israel kitoru-torúmai kon i Musa bo kon i Harun. Mosia nosingog, “Moiko ain noḻimod kon umat i Tuhan.”

PINOGIAPAN 17:12

Bo intau Israel noguman kon i Musa, “Aka natua, mosilaka in kami! Mobodito in kami!

WAHYU 16:9

Intau sinurubnea in patú inta nongkon i-Nia, bo mosia in nogodi-godimai kon tangoi i Allah inta nongawasa kon bodito mita tatua. Umpaka natuadon, táe mosia in doíbí doman in mogogai mogaid kon dosa mita monia bo doí doman modayow kon kamuliaan i Allah.