OMBAḶ 3:38 - Alkitab Singog In Mongondow Masa In Tanaa

³⁸ Mopia bo moraat pinobayá tongábí moidoyon kon parenta i Tuhan.

OMBAḶ 3:38 Mawu Ofanana

SAMUEL 2 16:10

Táe noguman in ki datu kon i Abisai bo kon i Yoab ki guya-guyangnea, “Dikadon hirauonmai. Pomayádon mako in sia mogodi-godimai kon inakó. Sin aka ki Tuhan in nopotabá kon inia, yo ki inebí in kohak moḻibó kon inia nongonu sin momiabí natua in sia?”

AYUB 2:10

Tubag i Ayub, “Iko nion in mosingogbí naonda bo intau dondunguḷ! Umpaka yo tongábí in kita moibog motarima kon onu inta mopia nongkon i Allah, bo inta diá mopia in diábí tarimaan naton?” Dá, umpakabí in ki Ayub kinoantugandon in bayongan bodito tatua, diábí in sia nopoyaput in tosingogon moḷawang kon i Allah.

MAZMUR 75:7

Sin pohakiman in diábí mamangoi nongkon pomukaan andeka toyopan deemanbí doman nongkon utuan andeka toḷatan.

AMSAL 29:26

Mobayong in intau mokikoontong kon mongongawasa, táe inta mobogoi in inta moadil, in tongábí ki Tuhan.

MOHOHUTUBA 7:14

Dá, kosanangdon aka iko bo nokouḻí kon inta sinayakmu. Táe aka iko bo kinoantugan in bodito, yo dika koḻiongan kon ki Allahbí in nobogoi doyowa tatua. Diábí kotaauan naton mongo onu in mobaḻí moiduduimai.

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

YEREMIA 32:42

Ná doman onda in pinopopoangoi-Ku in bodito kon bangusa tanaa, yo natua doman in Akuoi in mobogoi in bayongan inta mopia inta ain pinodandi-Ku kon i monia.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?