OMBAḶ 3:37 - Alkitab Singog In Mongondow Masa In Tanaa

³⁷ Aka oyúon in kinodoí i Tuhan, yo notantúbí kon intau in diábí mokopongonu kon tua.

OMBAḶ 3:37 Mawu Ofanana

SAMUEL 2 16:10

Táe noguman in ki datu kon i Abisai bo kon i Yoab ki guya-guyangnea, “Dikadon hirauonmai. Pomayádon mako in sia mogodi-godimai kon inakó. Sin aka ki Tuhan in nopotabá kon inia, yo ki inebí in kohak moḻibó kon inia nongonu sin momiabí natua in sia?”

DATU MITA IMITÁNEA 22:34

Noikoḷatbí totok tontara in Siria tobatú nopopiot in piotnea, bo diábí in pinopotanaan. Táe piot tatua in noipiotdon kon i Ahab bo noiḷambai kon ḷambung in parangnea noitongkaná kon tondoḷannea. “Kinotugatandon in akuoi!” guman i Ahab kon mododia kon keretanea. “Pomurow bo diádon in akuoi ḷumuai kon poparangan!”

DATU MITA 2 6:33

Diápa nopaḷut in ki Elisa nosingog, ki datu noidapotdon intua bo noguman, “Roriga tanaa ki Tuhanbí in nopoḷabú kon inaton! Dá onupabí in mangaḻenea in akuoi moharap mako kon totuḷung-Nea?”

AYUB 10:13

Táe tanaa in kinotaauankudon kon tua in kino oonggot, inumuni-uni aindon pinomia-Mu in boditoku.

AYUB 2:10

Tubag i Ayub, “Iko nion in mosingogbí naonda bo intau dondunguḷ! Umpaka yo tongábí in kita moibog motarima kon onu inta mopia nongkon i Allah, bo inta diá mopia in diábí tarimaan naton?” Dá, umpakabí in ki Ayub kinoantugandon in bayongan bodito tatua, diábí in sia nopoyaput in tosingogon moḷawang kon i Allah.

IḶUAIAN 10:10

Datu noguman, “Yo diábí ogoiku in moiko modia kon bobay mita bo ki adí mita monimu! Onu inta pinoigummu nion notongkaibí moharap kon bá akuoi in mopoigum kon i Tuhan momarakat kon i monimu. Nosilangdon kon inakó kon oyúonbí in makusud monimu moraat.

AMSAL 16:9

Intau in motaaubí momia kon tomayá, táe ki Allahbí in monantú kon daḷan kobiagannea.

AMSAL 19:21

Intau mobayong in tomayá, táe tongábí onu in sinantú i Tuhan in mobaḻí.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

YEREMIA 23:32

Akuoi, ki Tuhan, in moḷawangbí kon nabi mita tatua inta nopotaau in togoindopnea mita inta nopuḻing in uboḷ. Mosia in nopoḷangkam in umat-Ku pinodoyon kon uboḷ bo ambungangaḷ monia. Akuoi in diábí nopotabá kon nabi mita tatua. Mosia in beresibí diá baraguna kon umat-Ku. Akuoi, Tuhan, ain nosingog.”

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

SURAT I PAULUS KON JAMAAT RUM 9:15

Sin ki Allah ain noguman kon i Musa nanaa, “Akuoi in mopoontong in barakat kon intau inta kinoibog-Ku popoontongan in barakat tatua, bo Akuoi in mopoontong in tabi-Ku kon intau inta kinoibog-Ku popoontongan in tabi-Ku tatua.”

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.