OMBAḶ 3:33 - Alkitab Singog In Mongondow Masa In Tanaa

³³ Diábí mopia in gina-Nea in mopomayá mako kon i naton in mororiga bo moajar in gina.

OMBAḶ 3:33 Mawu Ofanana

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

MAZMUR 119:67

Kon dodai in diápa ihukum, akuoi in sinumabat, tanaa in akuoi kinumadai kon parenta-Mu.

MAZMUR 119:71

Totuubí kon mopiabí in Iko in nohukum kon inakó, sinbá kotaauankudon in atorang-Mu mita.

YESAYA 28:21

Ki Tuhan in simindogbí ná kon Buḷud in Perazim. Sia in moḷongasibí totok ná kon Ḷopá in Gibeon sin mopobayá in makusud-Nea, makusud inta mokoherang kon intau! Sia in moponiatabí in oaidan-Nea inta mokoherang.

OMBAḶ 3:34

Aka dimukud naton bo moajar in kon bonu in ponjara,

YEHEZKIEL 18:32

Diábí mopia in gina-Ku aka intau tobatú matoi. Taḷaaidon in dosamu mita sinbá umuran mobiag in moiko. Akuoi ki Tuhan Inta Totok in moḷantud ain nosingog.”

YEHEZKIEL 33:11

Potaaudon kon i monia, kon podoyon kon i-Nakó, ki Allah inta nobiag, ki Tuhan Inta Totok in moḷantud, diábí mopia in gina-Ku, aka intau moraat matoi; ibogon-Ku in sia in monaḷámai kon dosanea mita sinbá sia in umuran mobiag. Ei bangusa in Israel, pogogaidon in mogaid kon inta moraat! Nongonu sin moibogbí in moiko matoi?