OMBAḶ 3:31 - Alkitab Singog In Mongondow Masa In Tanaa

³¹ Sin, ki Tuhan in diábí inta diá motarima kon i naton modapot in mononoi.

OMBAḶ 3:31 Mawu Ofanana

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

DATU MITA IMITÁNEA 11:39

Popisí in ki Salomo binaradosa, dá hukumon-Ku in buí i Daud, táe diábí mononoi.’ ”

MAZMUR 77:7

Kon dodai in doḷom akuoi in moporai-raimai, bo mopoḻibo-ḻibómai kon bonu in gina,

MAZMUR 94:14

Sin ki Tuhan in diábí monaḷámai kon umat-Nea; Sia in diábí moḻiong kon kapunyaan-Nea.

YESAYA 27:8

Ki Tuhan in nohukum kon umat-Nea pinongin noḷumbú kon i monia kon butá in intau. Inuntun-Nea in mosia pinongin tompot moraat nongkon dotá in pomukaan.

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YEREMIA 31:37

Aka kuma kon singgai tobatú bo koukuran in ḷangit, bo apad in butá kotaridian, kon dodai intuata Israel in indoíon-Kudon popisí in bayongan in aid monia inta moraat. Akuoi, ki Tuhan, ain nosingog.”

YEREMIA 32:40

Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.

YEREMIA 33:24

“Sinaridianmudon degá onu inta pinoguman in intau kon Israel bo Yohuda? Mosia in noguman kon Akuoi in noḷumbúdon kon bangusa doyowa tatua inta ain piniḻí-Ku tatua. Tuamai in inanggapdon monia noompá in umat-Ku, bo diádon inanggap monia saḷaku tobatú bangusa.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

NAHUM 1:12

Dá guman i Tuhan kon Israel, umat-Nea, “Umpaka intau mita in Asyur tua moropot bo modamaḷ, táe mosia in rimumudonbí bo moinggamá. Ei bangusa-Ku, baḻíon-Ku in moiko mororiga, táe diá bidon aidan-Ku bui intua.

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.