OMBAḶ 3:25 - Alkitab Singog In Mongondow Masa In Tanaa

²⁵ Ki Tuhan tua in mopiabí kon intau inta umandoḷ mako kon i-Nia, bo kon intau inta motayak kon i-Nia.

OMBAḶ 3:25 Mawu Ofanana

KINOBAḺIAN 49:18

O Tuhan, kasaḷamatan inta inogoi-Mu, tuata inta inoḷatku mako.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

TAWARIKH 2 19:3

Umpaka natua táe oyúonpabí in mopia kon i Tuang. Ki Tuang in noḷumbúdon kon bayongan in patong i Dewi Asyera inta sinumba in rayat bo ki Tuang in noḷongasidon nobiag podudui in ibog i Allah.”

TAWARIKH 2 30:19

“Tuhan, ki Allah in mogoguyang nami, igumon mako nongkon kopopia in gina-Mu ampungan-Mu in mosia inta koyogot in moibada kon ini-Mu takin ḻimbatú in gina, umpaka mosia in diápa nopotusi in awak.”

TAWARIKH 2 31:21

Sia in nokodapot kon oaidannea, sin bayongan inta inaidannea kon kopontingan in Baḷoi Tuhan andeka dumudui kon hukum mita i Tuhan, pinobayá takin ḻimbatú in gina bo takin doman tabi kon i Tuhan Allahnea.

EZRA 8:22

Akuoi in mobangkaḷ moigum kon i datu in tontara tumotakoi kon kabaḷo sin moḷukad kon inami nongkon musung kon binayáan. Sin akuoi in nogumandon kon inia, kon ki Allah nami in momarakat kon bayongan in intau inta mogundoi kon i-Nia bo mondoí poḷat mohukum kon intau inta diá mosatia kon i-Nia.

MAZMUR 105:3

Siabí in ki Tuhan Inta Totok in motusi; pokosanangdon sin kita Sia in kitogi, komintan inta mosumba yo igumon mako mokopoḷunganga.

MAZMUR 119:2

Pia in kamang in intau inta dinumudui kon parenta-Nea, bo takin ḻimbatú in gina moḷongasi monotaau kon i Tuhan.

MAZMUR 22:26

Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.

MAZMUR 25:8

Sin ki Tuhan tua in mopia bo moadil, Sia in motundú kon daḷan kon i monia inta noiḷaḻe.

MAZMUR 27:14

Pongamangdon kon i Tuhan, iropotai bo irotonai in ginamu; oo, pongamangdon kon i Tuhan!

MAZMUR 27:8

Iko in noguman, “Angoidon posumba kon i-Nakó.” Sinubagan-Ku, “Akuoi in ḷagidon mamangoi, o Tuhan;

MAZMUR 37:34

Pongamangdon kon i Tuhan bo duduiaidon in parenta-Nea, dá duíon-Neabí in iko sin mogabat kon butá tatua; iko in mokoontongbí kon poyopúan in intau moraat.

MAZMUR 37:7

Oḷatdon mako in ki Tuhan takin gina moodom, ḷukadaidon mako pokosabar modapot in Sia mopoaid. Dika tumorú popisí in intau inta nokouḻí kon kobiagannea, andeka inta nonompobaḻik.

MAZMUR 39:7

kobiagannea in moitaḻib naonda bo oḻinow. Bayongan in oaidannea diá in mangaḻenea; sia in momonturung kon kapunyaan, táe diá kotaauan mongo ki ine in mokaan kon tua.

MAZMUR 61:1

Kon in itoi in mododondong. Pongin ito-itog kecapi. Nongkon i Daud.

MAZMUR 61:5

Biódon mako in akuoi kinoouput in kobiaganku mogutun kon ḷoḷaigan-Mu, sinbá moaman kon bonu in oḻiung in koḻikip-Mu.

MAZMUR 69:32

Tuabí in kinoibog i Tuhan nongkon kuruban sapi, kuruban sapi koḷakian inta moḷoben.

MAZMUR 71:14

Táe akuoi in umuranbí mongamang mako kon ini-Mu, bo mokakitdon modayow kon ini-Mu.

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”

YESAYA 26:9

Dimukudku in mokotanob kon ini-Mu kon dodai in doḷom, ginaku in mogoḷat mako kon ini-Mu kon dodai in doḷo-doḷom. Aka Iko in monisig kon dunia naa, intau mita kon dunia naa in monotaaudon kon onu inta moitutui.

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

YESAYA 55:6

Pobuidon kon i Tuhan kon dodai in mokopobuipa; pokuanidon kon i-Nia kon dodai in Sia nodiugpa.

YESAYA 64:4

Diápa kon dodai in onda oyúon in nokodongog, bo diápa doman kon dodai in onda oyúon in nokoontong kon koḻikud in Iko, oyúon in ilah inta nogaid kon onuka, kon intau inta noharap mako kon inia.

OMBAḶ 3:26

Dá, biódon mako mogoḷat in kita takin gina moodom modapot in ki Tuhan mamangoi motuḷung;

HOSEA 10:12

Akuoi in moguman, ‘Ei Israel! Bukádon in gobá mobagu kon inimu, ponimboidon in bibit in kooadil, bo koyutdon in barakat inta pinomungai in tabimu inta totu-totuu kon i-Nakó. Sin, wakutuneadon iko in motayak kon i-Nakó, ki Tuhanmu. Akuoi in mamangoibí bo mopoinggú in barakat-Ku kon inimu.’

ZEPANYA 3:8

Táe pokoingat! Oḷatdon in singgainea simindog in Akuoi saḷaku intau inta mopongadu. Sin sinantú-kudon kon modondon kon bangusa mita bo dodatuan mita sin mopoḷabú in torú-Ku kon i monia. Bayongan in butá in modaitbí kaanon in tuḷú torú-Ku.

TESALONIKA 1 1:10

Inouman doman monia in kososatia monimu in mogoḷat mako kon koangoian bui i Adí i Allah inta ki Yesus Kristus nongkon soroga. Sia inta ain biniag bui i Allah nongkon sigad in intau mita minatoi. Sia tuata inta moposaḷamat kon i naton nongkon hukuman i Allah kon singgai moiduduimai.

YAKOBUS 5:7

Tuamai, posabardon utatku mita, dapot in ki Tuhan mamangoi. Indoiaidon naonda in kososabar in intau monononggobá in mogoḷat modapot in butánea mobogoi in hasil inta mobogoi in kauntungan kon inia. Umuran mosabar in sia in mogoḷat kon uyan kon sempo in kototakan bo uyan sempo in pononobur.