OMBAḶ 3:24 - Alkitab Singog In Mongondow Masa In Tanaa

²⁴ Ki Tuhan in kapunyaankubí totobatú tua. Tuamai, umandoḷ in akuoi kon i-Nia.

OMBAḶ 3:24 Mawu Ofanana

TAWARIKH 1 5:20

Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.

AYUB 13:15

Nopoḷok bidon in raianku sin diádon in kamang! Aka ki Allah in moḻimod kon inakó, diábí nongonu, tongá belaankupa in oaidku kon tayowon-Nea.

AYUB 22:25

Pobiódon mako sinbá ki Inta Totok in mokawasa in mobaḻí buḷawanmu, bo saḷakamu inta totok in mopia.

MAZMUR 119:57

Tongábí Iko tontaní in koibogku, o Tuhan, akuoi in modandi kon mogaid kon onu in sinundú-Mu.

MAZMUR 130:7

Pongamangdon kon i Tuhan, ei umat-Nea, sin Sia in umuranbí motabi, bo umuranbí nosadia moposaḷamat.

MAZMUR 142:5

Kon dodai in akuoi nobobui kon sikumai, diábí in inontongku in motuḷung kon inakó. Diábí in nogoḻingoi kon inakó, andeka inta nopandungmai kon inakó.

MAZMUR 16:5

Tuhan, tongá Iko in kinoibogku; Iko in nobogoi in bayongan inta paraḷuku, ukurku in kon bonubí in kawasa-Mu.

MAZMUR 31:24

Kotabibí in ki Tuhan, ei bayongan in umat-Nea, Ki Tuhan in moḷukadbí kon intau inta mosatia. Táe intau moḷoḷatú in hukumon-Nea takin diá in ukuran.

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.

MAZMUR 42:11

Morimumudon totok in ginaku popisí in rebeg in musung. Mosia in tantúbí moḻibó, “Kon onda in ki Allahmu?”

MAZMUR 42:5

Moajar in ginaku aka mokotorop kon singgai tungkuḷ intua, kon tungkuḷ in akuoi mayá in Baḷoi Tuhan moyotakin in intau mobayong sin momia kon bobutungan. Akuoi in kon muna in intau mobayong tatua sindaḷan mopodondong in dondong dodayow.

MAZMUR 43:5

Nongonu sin moajarbí bo moḻia-ḻiaw in ginaku? Akuoi in mongamang kon i Allah, dá akuoi in buipabí mopoyaput in sukur kon i-Nia, kon i Allahku bo mopoposaḷamatku.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

MAZMUR 71:14

Táe akuoi in umuranbí mongamang mako kon ini-Mu, bo mokakitdon modayow kon ini-Mu.

MAZMUR 73:26

Umpaka dimukud bo awakku in moḻemédon, Ikobí in ropotku, o Allah; Ikobí in kapunyaanku modapot in mononoi.

MAZMUR 84:12

Sin ki Tuhan Allah in moḷoḷukad naton bo datu inta moḷantud, inta noponotabi kon inaton in tabi bo kahoromatan. Sia in diábí kon dodai in onda in nondoí kon onuka in mopia kon intau inta kobobiagnea diá in bogit.

MAZMUR 94:19

Aka ginaku moondok bo moyayow, Iko in moḻipoi bo moposanang in ginaku.

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

YEREMIA 51:19

Ki Allah i Yakub in diábí notongkai in berhala mita tatua; Sia in nomaḻí kon bayongan in yagi-yagi. Tangoi-Nea in ki Tuhan Inta totok in mokawasa; Sia in nomiḻídon kon Israel nobaḻí umat-Nea.

OMBAḶ 3:21

Umpaka natua táe kamangku in buidon noiangoi, kon dodai in sinoropku in naa:

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.

SURAT I PAULUS KON JAMAAT RUM 15:12

Ki Nabi Yesaya in noguman doman nanaa, “Nongkon buí i Isai moiangoibí in intau tobatú inta momarenta kon bangusa mita; kon i-Niabí tua in poharapan in bangusa mita tatua.”

ULANGAN 18:2

Mosia in diábí motaau kobutá ná suku mita ibanea, sin ki Tuhanbí in nobaḻí silai budel monia, ná inta pinodandi i Tuhan kon i monia.

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.