OMBAḶ 2:19 - Alkitab Singog In Mongondow Masa In Tanaa

¹⁹ Pobui-buidon pobangon in tonggobii tua sin momaḷú moguman kon onu in kon bonu in dodobmu kon i Tuhan. Poigumdon sinbá angoian in tabi in Sia kon i adímu mita inta gogoyon bo inta sinogopuḷong kon bayongan in pobeukan in daḷan.

OMBAḶ 2:19 Mawu Ofanana

AYUB 3:24

Toḻiu in mongaan akuoi in mogamui, diá mogoga-gogai in akuoi mokuani.

MAZMUR 119:55

Kon dodai in doḷom kotoropanku in Iko, o Tuhan, hukum-Mu in umuranbí kadaianku.

MAZMUR 134:2

Tonggó in ḻimamu potundú ná tampat motusi, bo dayowdon in ki Tuhan!

MAZMUR 141:2

Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

MAZMUR 142:2

Noḷangon in kuaniku kon i Tuhan, notorú in singogku in nokituḷung kon i-Nia.

MAZMUR 142:3

Kon tayowon-Nea akuoi nogamui; pinotaauku in bayongan susaku kon i-Nia.

MAZMUR 28:2

Indongogaipa in oigumku aka akuoi momaḷú mokituḷung, bo mopotundú in ḻimaku kon Baḷoi-Mu inta motusi.

MAZMUR 42:3

Akuoi in mokotanob kon i Allah inta nobiag, toonu in motaau in akuoi mayá moibada kon Baḷoi-Nea?

MAZMUR 42:4

Singgai doḷom mongombaḷ in akuoi, dongkadon ḷuá in mobaḻí kokaanonku. Kinoouput in singgai musungku in moḻibó, “Kon onda in ki Allahmu?”

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

MAZMUR 63:4

Tabi-Mu in mobara-baraguna nongkon mobiag, tuamai akuoi in modayow kon ini-Mu.

YESAYA 26:9

Dimukudku in mokotanob kon ini-Mu kon dodai in doḷom, ginaku in mogoḷat mako kon ini-Mu kon dodai in doḷo-doḷom. Aka Iko in monisig kon dunia naa, intau mita kon dunia naa in monotaaudon kon onu inta moitutui.

YESAYA 51:20

Kon pomuḷoi in popod in daḷan intaumu mita in noumpag kinodaitan in ropot naonda bo rusa inta noibaaḷ kon pukot. Mosia in kinoantugan in torú i Tuhan, bo kinotugatan in guak i Allahmu.

YEREMIA 14:18

Aka akuoi mayá in rawang, ontongonku in mayat mita inta minatoi in parang. Kon bonu in kotá ontongonku in roriga, intau mita gogiódon matoi in gogoy. Nabi bo imang mopobayá in oaidan takin diá komangaḻean monia onu in inaidan.”

YEREMIA 9:20

Akuoi in noguman, “Indongogaipa in tosingogon mita i Tuhan, ei bayongan in bobay! Tundú kon i adímu mita bobay in dondong oamui, kon yobayatmu mita in dondong ponogumatoian.

YEHEZKIEL 5:10

Guyanga in mokaandon kon i adínea tontaní bo adí in mokaandon kon guyanganea. Natuata in pohohukum-Ku kon i monia, bo inta mobiagpa in porariton-Ku kon bayongan in tampat.

YEHEZKIEL 5:16

Daiton-Ku poguyaaton in tongkaaḷ in kaanonmu bo mopomayá mako in intaumu mita gogoyon. Korasaanbí monia naonda in sian mopomporí popisí in gogoyon, naonda bo piot moḷanit noiturak bo nomatoi kon inimu.

MIKHA 1:16

Ei intau in Yohuda, gonsingaidon in buokmu mobaḻí tomponuot kon pinonogumatoian kon adí mita monimu inta kinotabi monimu. Karugaidon in uḷumu modapot in moḷogat naonda bo ḷagapan mokokaan kon mahaḷuk minatoi, sin ki adí mita monimu in akuton kon poḷumbúan.

NAHUM 3:10

Umpaka natua, intau in Tebe dinakop bo inakut kon poḷumbúan. Kon bayongan in poyotangaan in daḷan, ki adínea mita bouton dapot in matoi. Intau mita moḷobennea sinogot in rante bo sinila-silai kon sigad in mododakop kon i monia.

MATIUS 14:25

Degá jam intoḷuneadon modiug mobayag namangoidon in ki Yesus kon i monia takin minaya-mayá kon tudu in tubig.

MARKUS 1:35

Nopoikoḷomai kon singgai, subupa, nobangondon in ki Yesus bo iḷumuai. Sia minayá in tampat inta noitontaní bo nosambayang kon tua.

MARKUS 13:35

Tuamai in moiko musti umuran kiḷuka-ḷukadmai, sin diábí kinotaauan monimu mongo toonu in ki togi baḷoi mobui mangoi – moḷoḷabung, ande moonggot kon doḷom, ande modiug mobayag, ande bagu momuká in mata in singgai.

LUKAS 6:12

Wakutu intua ki Yesus notakod kon buḷud sin mayá mosambayang. Sia in nosambayang kon tua tonggobiita.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

HAKIM MITA 7:19

Naonda in nopangádon kon doḷom, ki Gideon bo intaunea mita nodapotdon kon posigadan pinononḷoḷaigan in musung. Kon dodai intua intau inta noḷukad kon pinononḷoḷaigan tatua, bagu noyoḷuan kon poḷukadan. Bo ki Gideon takin intaunea nogirup kon torompet bo noḷosi kon kendi mita monia.

SAMUEL 1 1:15

Táe ki Hana in notubag, “Akuoi in diábí noḷoḷangu, Amá, akuoi in beresibí diá nonginum kon anggur! Akuoi in kinodaitandon kamang, bo mosambayangmai mongonguman kon bayongan in rorigaku kon i Tuhan.

SAMUEL 1 7:6

Bo noyosipundon in mosia kon Mizpa. Mosia in nonayú kon tubig bo pinopobutak nobaḻí sosumba kon i Tuhan, noiduduimai kon tua mosia in nopuasa in tosinggai tua. Guman monia, “Kami naa in binaradosadon kon i Tuhan.” (Kon Mizpa tua ki Samuel nomangkoidon nomaḷut kon pelekara mita yogenggeng in intau in Israel.)