OMBAḶ 2:15 - Alkitab Singog In Mongondow Masa In Tanaa

¹⁵ Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”

OMBAḶ 2:15 Mawu Ofanana

DATU MITA 2 19:21

ki Tuhan in noguman, “Kotá in Yerusalem kinumosing bo nopoompámai kon inimu, Sanherib.

TAWARIKH 2 7:21

Baḷoi pooibadaan tanaa totokbí in ihoromat táe kon dodai intua bayongan in intau inta tumaḻib kon tua moherangbí in mokoontong. Mogumandon in mosia, ‘Nongonu sin pomiaanbí i Tuhan intua kon butá bo kon baḷoi tanaa?’

MAZMUR 109:25

Intau mita inta mokoontong kon inakó moningkuḻe kon inakó poḷat momombiḻing.

MAZMUR 22:7

Táe akuoi naa in oḷuasi, deemanbí intau, irebeg bo siningkuḻe in intau mobayong.

MAZMUR 48:2

Totuubí moḷantud in ki Tuhan bo totok in dinayow kon kotá i Allah naton, kon tombuḷud inta motusi.

MAZMUR 48:3

Sion, tombuḷud i Allah nosindog notompia kotá i Datu Moḷantud mokopia kon gina in sinangkub in butá.

MAZMUR 50:2

Nongkon Sion, kotá inta totok in mogaga, Ki Allah in noitukat takin nonindar.

MAZMUR 64:8

Táe ki Allah in nopopiotbí in piot-Nea kon i monia, bo indoianmai notompaḻí in mosia.

YESAYA 28:21

Ki Tuhan in simindogbí ná kon Buḷud in Perazim. Sia in moḷongasibí totok ná kon Ḷopá in Gibeon sin mopobayá in makusud-Nea, makusud inta mokoherang kon intau! Sia in moponiatabí in oaidan-Nea inta mokoherang.

YESAYA 37:22

ki Tuhan in noguman, “Kotá in Yerusalem kinumosing bo noningkuḻe kon inimu, Sanherib!

YESAYA 64:11

Baḷoi i Allah inta motusi bo momulia tampat in mogoguyang nami modayowmai kon ini-Mu, aindon kinaan in tuḷú; bayongan tampat inta kinoibog nami aindon nobaḻí goguyaatnea.

YEREMIA 18:16

Butá tanaa in binaḻídon monia tampat inta mokokoningkim, bo modapot in mononoi in singkuḻeon. Bayongan intau inta moitaḻib in momombiḻing sin mokoningkim.

YEREMIA 19:8

Akuoi in mopoantugbí in bodito inta motoyang kon kotá tanaa dá modapot in bayongan in intau inta moitaḻib kon tua in moitaḻikokogbí bo mokoningkim.

YEREMIA 25:18

Yerusalem bo bayongan in kotá in Yohuda, takin datu mita bo pojabatnea mita, pinoki inumanku in anggur tatua, nodapot in mosia nobaḻí naonda bo rawang inta noḷogat bo mokokoningkim. Dapot kon singgai in naa tangoi monia in pinaké nobaḻí kutukan.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”

YEREMIA 29:18

Mosia in aḷo-aḷowan-Kubí mako in parang, gogoy, bo yampoi in takit modapot in bayongan in bangusa kon sinangkub in dunia in mokoningkimbí in mokoontong kon kaadaan monia. Kon ondakabí in poporaritan-Ku kon i monia, intau in mokoningkimbí bo moondok in mokoontong kon onu inta nobaḻí kon i monia. Mosia in singkuḻeonbí, bo tangoi monia in pakéon mobaḻí kutukan.

YEREMIA 48:27

Sin intau in Israel koḻipod in kinosingan in Moab bo inouman magí mako naonda bo mosia in kinotambakandon noyotakin in mononakow mita?

YEREMIA 51:37

Butá tatua in mobaḻíbí bonturungan in goguyaatnea, pogogadopan in ungkú in kayuon. Mokoningkimbí in intau in moindoi kon inia, bo diábí tobatúmai in intau in moibog mogutun kon tua.

OMBAḶ 1:21

O, Tuhan! Indongogaipa kaasí in ombaḷku, diábí in moḻipoi kon inakó. Mopia in gina in musungku mita sin pinopobodito-Mu in akuoi. Angoidon in singgai inta pinodandi-Mu tua; baḻídon in mosia mororiga ná akuoi.

OMBAḶ 1:8

Yerusalem in nopokotordon in awaknea tontaní pinongin nogaid kon nobayong in dosa mokorongó. Bayongan inta dungkuḷmai in nohoromat kon inia, tanaa in noningkuḻedon kon inia popisí in nokoontong kon kinopilangannea. Sia in nongombaḷ, popisí in kinobuḻiandon in pogot.

OMBAḶ 2:16

Bayongan in musungmu moindoi kon pogotmu takin rongut, kosingan monia in iko bo monginggoi. Mosia in moguman, “Kotá tatua in iyompatdon nami! Imbuitnea noidapot domandon in wakutu inta inoḷa-oḷat mako nami!”

OMBAḶ 2:6

Sia in norimumud kon baḷoi-Nea tampat pososipunan in umat-Nea sin mosumba kon i-Nia. Binaḻí-Nea in intau mokoḻiong kon singgai in Sabat bo singgai mita moḷoben ibanea. Popisí in ki Tuhan totok in sinumorú, imang bo datu in kinodoí-Neadon.

YEHEZKIEL 16:13

Natuata iko iḷambáan in buḷawan bo saḷaka; pakeangmu pinomia nongkon kaeng linen bo sutra sinomboréan. Motaaubí in iko mokaan kon roti pinomia nongkon torigu inta totok in mopia, takin biluk bo ḷana in zaitun. Koḷunatmu noiḷontúdon totok bo iko in nobaḻídon bokí.

YEHEZKIEL 16:14

Bayongan in bangusa moduí kon koḷoḷunatmu inta notompod tua, bo Akuoibí naa inta ain nopomia kon inimu noḷunat. Akuoi ki Tuhan Inta Totok in moḷantud ain nosingog.

YEHEZKIEL 23:32

Ki Tuhan Inta Totok in moḷantud in noguman, “Bonu in palo i guya-guyangmu musti inumonmu. Moḷoben in palo tatua bo moonag. Bonunea in nopuḻing in rebeg bo singkuḻe, inta musti tarimaanmu nongkon bayongan in intau.

YEHEZKIEL 25:6

Ki Tuhan Inta Totok in moḷantud in noguman, “Moiko in monggoḷokap sindaḷan motayok sin moḷunganga in gina. Moiko in mopoompámai kon butá in Israel.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

DANIEL 9:16

Iko in noduḷudon kon inami in dungkuḷmai, tuamai in dikadon bui tumorú kon Yerusalem, kotá-Mu tontaní, tombuḷud-Mu inta motusi. Popisí in dosa nami bo aid moraat in mogoguyang nami, dá bayongan in intau kon diugmai nami in mopoompámai kon Yerusalem bo kon umat-Mu.

MIKHA 6:16

Tua komintan in mobaḻí popisí in moiko dinumudui kon aid moraat i Datu Omri bo i adínea, tuata in ki Datu Ahab. Moiko in dinumudui kon oaid monia. Tuamai in rimumudon-Ku in moiko, bo moiko in poempengon bo singkuḻeon in bayongan in bangusa.”

NAHUM 3:19

Ḷogit in awakmu diábí motaau undaman, bo kekebmu mita diádon mopia. Bayongan in intau inta mokodongog kon habar kinorimumudanmu monggoḷokap pia in gina. Sin bayongan in intau aindon nororiga popisí in aidmu moraat inta diá modai-dait tua.

ZEPANYA 2:15

Tuata in mobaḻí kon kotá inta norame tatua bo inta nonganggap noaman mako in sia. Intaunea mita in nonganggap kon kotá monia tua in kotá inta totok in moḷoben kon dunia naa. Totuudon moingongow in butá tatua, diá bidon in mogogutunnea koḻikud bidon in mahaḷuk mita in kayuon inta nonompugad kon tua! Bayongan in intau inta moitaḻib kon kotá tatua moitaḻikokogbí bo mokoningkim in awak.

MATIUS 27:39

Intau mita inta noitaḻib kon tua moningkuḻe, bo momombiḻing kon i Yesus.

MARKUS 15:29

Bayongan intau inta noitaḻib kon tua momombiḻing bo moningkuḻe kon i Yesus. Mosia in mosingog, “Ei, Iko inta moibog mogumpag kon Baḷoi i Allah bo bui moposindog kon daḷom in toḷu nosinggai.