OMBAḶ 1:17 - Alkitab Singog In Mongondow Masa In Tanaa

¹⁷ Akuoi in notonggó kon ḻima sin mokituḷung, táe diábí in noḻipoi. Nongkon bayongan in tampat, ki Tuhan nopotabá mangoi in musung; mosia in namangoi sin momarang kon inakó. Akuoi in pinomia naonda bo yoyatan, pakakat inta mokorongó kon yua-yuak monia.

OMBAḶ 1:17 Mawu Ofanana

DATU MITA IMITÁNEA 8:22

Nopaḷut mako kon tua, kon tayowon in rayat inta kon tua, ki Salomo sinimindog sinumayow kon mezbah bo notonggó kon ḻimanea doyowa nosimpaḷ

DATU MITA IMITÁNEA 8:38

igumon mako moibogpa in Iko mokidongog kon sambayang monia. Aka nongkon sigad in umat-Mu Israel oyúon in takin kuyang in gina mosambayang kon ini-Mu poḷat motonggó kon ḻimanea popotundú ná baḷoi pososumbaan tanaa,

DATU MITA 2 25:1

Onda intua ki Zedekia in nomarontak kon i Nebukadnezar datu in Babel. Tuamai in ki Nebukadnezar takin bayongan in tontaranea namangoi bo nonubu kon Yerusalem kon singgai impuḷúnea kon buḷan noginpuḷú kon taong noginsiow kon pinomarentaan i Zedekia. Mosia in noposindog in markas kon ḷuai in kotá, noposindog doman in dinding pongopungan,

MOHOHUTUBA 4:1

Onda intua sinaridianku bui in bayongan aid diá moadil inta nobaḻí kon dunia naa. Intau mita inta iroriga nongombaḷ bo diá in moibog motuḷung, popisí in intau mita inta mopororiga tua in kokawasa moḷoben.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YESAYA 54:11

Ki Tuhan in noguman, “Ei Yerusalem, kotá inta ukur diá mopia, iko in diádon kodaya bo diádon in moḷoḻipoi. Orotanmu mita in poukatonku bui, mopomaké in batu mita inta koboḻi.

YEREMIA 12:9

Mosia in naonda bo ḷagapan inta sinampí in boniá nongkon bayongan tampat. Oinídon in bayongan in mahaḷuk in kayuon dumugang mogindait kon i monia.

YEREMIA 15:5

Ki Tuhan in noguman, “Ei intau in Yerusalem, ki ine in monotabi kon i monimu? Ki ine in moibog moduḷu monahang kon nakit in gina monimu? Ki ine in moibog mongandup sin moḻibó kon kaadaanmu?

YEREMIA 16:6

Intau nooyúon bo nobogá kon butá tanaa in matoi bo diábí in moḷobong kon i monia. Diábí tobatúmai in intau in rumoriga andeka mokiḷogat in uḷunea saḷaku tomponuot nonogumatoi kon i monia.

YEREMIA 34:22

Parentaan-Kubí in mosia sinbá mobuidon mangoi kon kotá tanaa, poḷat monubu, mogagow, bo monurub. Kotá mita in Yohuda in baḻíon-Ku naonda bo padang gurun inta diá inutunan in intau. Akuoi, ki Tuhan, ain nosingog.”

YEREMIA 4:31

Akuoi in nokodongog kon ombaḷ mopoina-inak naonda bo bobay inta mononggadí; naonda bo bobay moguod inta monononggadí ḻinggané, natua in ombaḷ in Yerusalem inta mosisí in pogoginanea. Ḻimanea in mongokap bo mogamui in sia, “Moboditodon in akuoi – akuoi in ḻimodon in musung!”

YEREMIA 6:3

mongongawasa mita in mononḷoḷaiganbí kon tua takin tontaranea. Kon ḻibumai in kotá tatua mosia in moposindogbí in ḷoḷaigan mita monia, kon batúannea momiḻí kon tampat inta kinoibognea.

YEREMIA 8:18

Ginaku monakit bo mopomporí, amuiku diá koundaman.

OMBAḶ 1:16

Tuamai in noḷabú in ḷuáku, diá in moginrigon kon gina bo moḻipoi. Bangusaku in kinobuḻiandon in bayongan in yagi-yagi, popisí in kawasa in musung in moḷobe-ḷoben.

OMBAḶ 1:19

Akuoi in nogoiní kon yobayatku mita inta mongodagin táe nomaḻidawan in mosia kon inakó. Imang mita bo itoi in bangusa komintandon minatoi kon daḷan mita in kotá. Kon tungkuḷ in notayak kon kaanon sinbá mobiagpa.

OMBAḶ 1:2

Kinoouput in doḷom sia in mongombaḷ moajar in gina, ḷuánea in motutug kon putongi. Diá tobatúmai in kon sigad in yobayatnea mita in moibog moḻipoi kon inia. Sia in Pinomaḻidawan in yobayatnea mita inta ain nonoḻikud bo nobaḻídon musung.

OMBAḶ 1:21

O, Tuhan! Indongogaipa kaasí in ombaḷku, diábí in moḻipoi kon inakó. Mopia in gina in musungku mita sin pinopobodito-Mu in akuoi. Angoidon in singgai inta pinodandi-Mu tua; baḻídon in mosia mororiga ná akuoi.

OMBAḶ 1:8

Yerusalem in nopokotordon in awaknea tontaní pinongin nogaid kon nobayong in dosa mokorongó. Bayongan inta dungkuḷmai in nohoromat kon inia, tanaa in noningkuḻedon kon inia popisí in nokoontong kon kinopilangannea. Sia in nongombaḷ, popisí in kinobuḻiandon in pogot.

OMBAḶ 1:9

Kinononajisnea in noniatadon táe diábí pinandungneamai in onu inta ain nobaḻí kon inia. Motoyang totok in kinoumpagannea, táe diábí tobatúmai in nopoḻipoi kon inia. Dá nopoigum in sia kon totabi i Tuhan, popisí in musungnea mita in nountungdon.

OMBAḶ 4:15

Intau in moguman, “Bayádon nongkon naa! Nonajis in moiko, dika moḻiai kon i nami!” Dá minayádon in mosia bo nodondaḷoi nongkon bangusa tobatú minayá in bangusa ibanea, táe diábí inogoi i ineka in mogutun mokopotantú.

YEHEZKIEL 36:17

“Ei intau ilo-ilow, kon dodai in intau mita in Israel nogutun kon butá monia tontaní, kinotorandon monia in aid bo dodia monia. Inanggap-Kubí kon dodia monia tua in poton, naonda bo bobay inta inangoinea.

HOSEA 8:8

Naonda bo kuyon inta noḷosi, natuata in Israel diádon in mangaḻenea, bo nobaḻídon bangusa inta biasa ná bangusa mita ibanea.