OBAJA 1:19 - Alkitab Singog In Mongondow Masa In Tanaa

¹⁹ Intau mita in Yohuda Toḷatan in ḻimitúbí kon Edom. Intau mita nongkon tombuḷud kon dotá in toyopan in monaḷowbí kon butá in Pilistin. Suku in Benyamin in mongawasabí kon Gilead, bo Israel umat-Ku in mongawasa kon sinangkub in Epraim bo Samaria.

OBAJA 1:19 Mawu Ofanana

DATU MITA 2 17:24

Nobaḻí toḻiu in intau in Israel inta ain dinia kon pinoḷumbúan tatua, ki datu in Asyur nokipogutundon kon kotá mita in Samaria, intau mita nongkon Babel, Kuta, Awa, Hamat, bo Separwaim. Intau mita tatua in iḻimitúdon kon kotá mita tatua bo nogutundon notantú kon tua.

TAWARIKH 1 5:26

Tuamai in pinopogonúdon i Allah kon i Pul datu in Asyur, dá minayádon in sia nonubu kon butá tatua. Ki Pul in tangoi-tangoion doman ki Tiglat-Pileser. Bo suku Ruben, Gad bo suku Manasye inta kon dotá in pomukaan kon Yordan in dinianea nobaḻí intau mita inta sinokodakop kon parang bo iḷumbú kon Halah, Habor, Hara bo kon tampat tobatú inta kon diug in Ongkag in Gozan. Kon tua in pinogutunan monia bo notantú nodapot in singgai naa.

EZRA 4:17

Ki datu in nokidia in tubag tanaa, “Kon i Gubernur Rehum bo kon i Simsai momomais in propinsi bo topotakin monia inta nogutun kon Samaria bo kon kotá mita ibanea kon propinsi Eprat Toyopan. Salam.

EZRA 4:2

Tuamai in nokipodungkuḷ in mosia kon i Zerubabel bo tongguḷu mita in inanakan, bo noguman, “Ogoipa in kami tumakin mogaid kon Baḷoi Tuhan, sin kami in mosumbabí doman kon i Allah i utat mita, ná doman ki utat mita. Kami in umuranbí moposumba in kuruban kon i-Nia pinangkoi kon ki Esar-Hadon, datu in Asyur nodia mangoi kon inami.”

MAZMUR 69:35

Dayowdon in ki Allah, ei ḷangit bo butá, dagat bo bayongan in mahaḷuk kon bonunea.

YEREMIA 32:44

Surat totaḷuiannea in tekengonbí, bo kompitan in segel, bo irigonan in sakusi mita. Tua in mobaḻíbí kon butá in Benyamin, kon ḻipú mita kon diugmai in Yerusalem, kon kotá mita in Yohuda, kon kotá mita kon butá mita kon buḷud, kon butá kon siḻigonmai in buḷud, bo kon Yohuda toḷatan. Bangusa tanaa in tompiaan-Kubí bui in kaadaannea kon butá tanaa. Akuoi, ki Tuhan, ain nosingog.”

YEREMIA 49:1

Naa inta pinoguman i Tuhan soaḷ Amon, “Nongonu sin butá in suku Gad in inagowbí bo iḻitúan in intau mita inta nosumba kon i Dewa Milkom? Eta degá diádon in intau in Israel inta mokoḷukad kon butá tatua?

YEHEZKIEL 25:16

Tuamai in potaau-Ku kon Akuoi in monububí kon intau mita in Pilistin bo moyopú kon i monia. Batúan in intau inta kiagatnea kon butá in Pilistin in ḻimodon-Kubí.

YEHEZKIEL 36:28

Dá moiko in mogutundon kon butá inta ain inogoi-Ku kon mogoguyangmu. Moiko in mobaḻídon umat-Ku bo Akuoi in mobaḻí ki Allahmu.

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.

AMOS 1:8

Intau mita bo mongongawasa in kotá in Asdod bo Askelon in inggamáan-Kubí. Kotá in Ekron in hukumon-Kubí bo bayongan in ki agat in intau in Pilistin in yompaton-Kubí komintan.”

AMOS 9:12

Intau in Israel in mongawasabí kon butá in Edom inta oyúonpa takin bayongan in bangusa inta dungkuḷmai kapunyaan-Ku. Akuoi ki Tuhan, ain nosingog bo Akuoi in mopobayábí intua.”

MIKHA 7:14

O Tuhan, ḷukadaidon in umat-Mu, umat inta piniḻí-Mu. Mosia in nogutun noitontaní kon kayuon mai-maí, kon yuak in butá inta mopia. Biódon mako in mosia mokouḻí kon kaanon kon rawang bonok in Basan bo kon Gilead ná dungkuḷmai.

YOSUA 13:25

Butá monia tua in nongkon Yaezer bo bayongan kotá in Gilead bo tongobotak nongkon butá in bangusa in Amon nodapot kon kinoouput in Aroër kon dotá in pomukaan Raba;

YOSUA 13:31

Bo noitakin doman in tongosilai in butá in Gilead, bo Asytarot bo Edrei, inta ibukotá doyowa in butá kawasa i Datu Og kon Basan. Bayongan in butá tatua inogoi kon tongosilai in motoḷuadí mita buí i Makhir, adí i Manasye.

YOSUA 15:21

Kotá mita inta totok in moyayú kon dotá in toḷatan, inta nobaḻí kapunyaan i Yohuda, tuata inta noiukat kon pinosigadan in Edom, tua komintan doyowa nopuḷú bo siow in kotá, noituot domandon in ḻipú mita inta kon diugneamai. Kotá mita tatua in: Kabzeel, Eder, Yagur, Kina, Dimona, Adada, Kedes, Hazor, Yitnan, Zip, Telem, Bealot, Hazor-Hadata, Keriot-Hezron (tuata in Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baala, Iyim, Ezem, Eltolad, Khesil, Horma, Ziklag, Madmana, Sansana, Lebaot, Silhim, Ain bo Rimon.

YOSUA 15:33

Kotá mita, noitakin doman in ḻipú mita kon diugneamai, inta noiukat kon sipangkoion mita in buḷud, kobayongnea komintan in mopuḷú bo opat in kotá, tuata in: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho, Azeka, Saaraim, Aditaim, Gedera bo Gederotaim.