OBAJA 1:18 - Alkitab Singog In Mongondow Masa In Tanaa

¹⁸ Umat-Ku Israel in nádon tuḷú inta momokak kon bayongan buí i Esau, naonda bo tuḷú momokak kon bayongan in wawa kon gobá. Diábí tobatúmai in buí i Esau in kotaḻiban. Akuoi, ki Tuhan ain nosingog!

OBAJA 1:18 Mawu Ofanana

SAMUEL 2 19:20

Sin kinotaauankudon kon akuoi ain nomia kon dosa, bo manangka intua, kon sigad in bayongan suku inta nogutun kon butá inta kon dotá in utuan akuoidon naa inta muna-munamai namangoi nonontomu kon i Tuang datu kon singgai in naa.”

IḶUAIAN 5:12

Dá minayádon intau Israel noḻibu kon bayongan butá in Mesir sin mosipun kon wawa.

YESAYA 10:17

Ki Allah inta motusi, sindar in Israel, in mobaḻíbí naonda bo dokot in tuḷú inta kon bonu in tosinggai momokak kon bayongan in yagi-yagi, nodapot in dogami mita.

YESAYA 31:9

Datu monia in moḷagui takin ondok, bo itoi in tontaranea mita in totokdon in moitaḻikokog, dá taḷaandon monia in bandera mita in parang.” Ki Tuhan ain nosingog, ki Tuhan inta sinumba bo ihoromat pinongin nobogoi in kuruban payongon kon Yerusalem.

YESAYA 47:14

Indoiai, mosia in naonda bo wawa inta kinaan in tuḷú; diábí in mosia mokoposaḷamat kon awak monia tontaní! Dokot in tuḷú tatua totuubí mopatú kon i monia, deemanbí tuḷú mointok inta mopia ponayangan.

YESAYA 5:24

Moiko in nondoídon kon totundú i Tuhan Inta Totok in mokawasa, bo noningkuḻe kon parenta i Allah inta mokudus in Israel. Tuamai, ná onda bo wawa bo bonok noingkag nodait nopokak kon bonu in tuḷú, natua doman in uakatmu mita mobongkogdon, bungangmu mita moingkag bo modait irupon in tompot.

YESAYA 9:18

Ki Tuhan Inta Totok in mokawasa sinumorú totok, bo hukuman-Nea in naonda bo tuḷú inta moborambang bo bangusa tatua in kayu inta pinondudub inta nodaitnea kinaan. Diábí tobatúmai in intau in motabi kon i utatnea.

YESAYA 9:19

Kon sinangkub in butá tatua mosia mogagow bo mokaan kon onukabí in motaau kaanon, táe diábí in mosia mokorasa kon mobotug. Nodapotbí in mosia mokaan kon topotakin mita monia tontaní!

YEREMIA 11:23

Akuoi in nonantúdon kon wakutunea mopoangoi in bodito kon intau mita in Anatot, bo aka moiangoidon in hukuman kon i monia tua yo diábí tobatúmai in kotaḻiban.”

YEHEZKIEL 37:16

“Ei intau ilo-ilow, gamádon in tungkud tobatú bo paisdon in tosingogon mita tanaa kon ḻimonikannea, ‘Dodatuan in Yohuda’. Bo gamá in tungkud tobatú ibanea, bo paisdon kon ḻimonikannea: ‘Dodatuan in Israel’.

YEHEZKIEL 37:19

poguman kon i monia, kon Akuoi, ki Tuhan Inta Totok in moḷantud in mogamá kon tungkud inta nobaḻí tomponuot in Israel bo moponoyobatú takin in tungkud inta nobaḻí tomponuot kon Yohuda. Tungkud doyowa tatua in baḻíon-Kudon tobatú bo kadaian-Ku kon bonu in kawasa-Ku.

YOËL 2:5

Mosia in ḷumandu-ḷanduk kon tudu in buḷud, singognea in naonda bo koḷangká mako in kereta in parang bo naonda bo rosik in tuḷú inta nokaan kon wawa;. Mosia in nopipid naonda bo tontara inta motorindog, inta nosadiadon mayá moparang

AMOS 1:8

Intau mita bo mongongawasa in kotá in Asdod bo Askelon in inggamáan-Kubí. Kotá in Ekron in hukumon-Kubí bo bayongan in ki agat in intau in Pilistin in yompaton-Kubí komintan.”

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

AMOS 6:6

Moiko in monginum kon anggur nongkon galas inta binonuan kinopuḻing, bo moiko in mopoinggúdon in ḷana mobondu inta totok in mopia, táe diá monakit in gina monimu kon kinorimumudan in Israel.

OBAJA 1:16

Kon tudu in buḷud-Ku inta motusi umat-Ku in nonginumdon kon oinumon mita inta nobaḻí lambang pohukuman. Táe oinumon in bangusa mita kon dunia naa in mopai-pait. Hukuman tatua in diábí motaau monia poḷaguian. Mustibí inumon monia modapot in modait, onda intua mosia in moinggamádon poḷat diádon in paḷotnea.”

MIKHA 5:8

Israel in monaḷowbí kon musungnea mita poḷat morimumud kon i monia komintan.

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

ZAKHARIA 12:6

Kon singgai tatua motoḷuadí mita in Yohuda in baḻíon-Ku naonda bo tuḷú kon bonu in bonturungan kayu pondungú andeka poḷombow nodokot kon ḻimonag in pangkoi mita in gandum, mosia in moyopúbí kon bangusa mita topodiugneamai. Táe intau in Yerusalem in umuranbí mogutun kon bonu in kotá takin moodom.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

KORINTUS 1 3:12

Taau bidon kon tobatú bo tobatú mongo bangunan naonda in posindogonnea. Bangunan inta inaidanka nongkon buḷawan, andeka inaidan nongkon saḷaka, andeka nongkon batu permata, andeka nongkon kayu, andeka nongkon bonok noingkag, andeka nongkon pangkoi in payoi.