OBAJA 1:14 - Alkitab Singog In Mongondow Masa In Tanaa

¹⁴ Diábí patus in iko in simindog mako kon pinoyotangaan in daḷan sin moḷabot kon intau mita inta moḷagui kon musung, andeka moposarakan kon i monia kon musung kon dodai in mosia kinoantugan in susa.”

OBAJA 1:14 Mawu Ofanana

MAZMUR 31:8

Mopiabí in ginaku bo moḷunganga sin Iko in umuran motabi kon inakó. Iko in noindoi kon rorigaku bo nonondudutmai kon susahku.

YESAYA 16:3

Mosia in noguman kon bangusa in Yohuda, “Pogumandon mongo onu in musti aidan nami. Kobaḻídon pononiungan nami inta mooḷom kon tungkuḷ in singgai moutu, bo pomayádon mako in kami in moniung kon siungonmu. Kami naa in moḷoḷagui; bunipa in kami bo dika mopoyagi-yagimai kon inami.

YESAYA 16:4

Ogoipa in kami mogutun kon butámu. Ḷukadaipa in kami nongkon intau mita inta moibog moḻimod kon inami.” (Pondorotan bo poḻimodan in mopaḷutdon, bo intau mita inta morimumud bo mondorot kon butá in Israel in moinggamádon.

YESAYA 37:3

Naa in koyow i Hizkia inta pinoyaput monia kon i Yesaya, “Singgai in naa singgai in ponogumatoian; kita in ihukum bo siningkuḻe. Kita in naonda bo bobay inta mononggadídon, táe kinodaitandon in ropot.

YEREMIA 30:7

Singgai motoyang ain noiangoi, singgai inta diá in poḷawangan. Kon i umat-Ku, tua in singgai inta mokoondok; táe mosia in posaḷamaton-Kubí.”

AMOS 1:6

Ki Tuhan in noguman, “Intau in Gaza in nopobui-buimaidon nogaid kon dosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú bo pinotaḷui nobaḻí ata kon intau in Edom.

AMOS 1:9

Ki Tuhan in noguman, “Intau in Tirus ain nopobui-buimai in binaradosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú komintan pinobayá in pinoḷumbúan, bo nobogoi kon Edom; mosia in iḻimimpatdon kon dodandian yoyobayatan.

OBAJA 1:12

Diábí patus moḷunganga in ginamu in mokoontong kon ukur diá mopia in intau mita in Yohuda bo moḷunganga in gina kon singgai koyopúan i utatmu. Diábí patus in iko umambungangaḷ kon dodai in sia mosusa.

MATIUS 22:9

Manangka intua bayádon kon pinoyotangaan daḷan bo oinídon in intau mita inta moyodungkuḷ monimu kon tua, bo dia mamangoi kon rame ponikaan tanaa.’