NEHEMIA 2:6 - Alkitab Singog In Mongondow Masa In Tanaa

⁶ Bo datu inta iḻimitú mako kon diug i buḷoinea, nobogoi kon onu inta pinoigumku tua. Iḻibónea mongo moonggot in akuoi in mogutun kon tua bo toonu in mobui mangoi, dá pinotaauku kon inia in singgai inta ain sinantúku.

NEHEMIA 2:6 Mawu Ofanana

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

NEHEMIA 13:6

Kon dodai intua nobaḻí, diá in akuoi kon Yerusalem, sin kon taong intoḷu nopuḷú bodoyowánea kon pinomarentaan i Artahsasta, datu in Babel, minayá in Babel in akuoi sin molapur kon i datu. Bain degá tongonumai nosinggai bo inogoinea in akuoi

NEHEMIA 2:4

Ki datu in noḻibó, “Dá, onu in koibogmu?” Akuoi in nosambayang kon i Allah inta nongawasa kon soroga,

NEHEMIA 2:5

bodongka noguman kon i datu, “Aka mokosanang kon gina i Tuang bo moibog mobogoi kon onu inta poigumon in bobantung naa, potabádon in bobantung naa mayá in butá in Yohuda sin moposindog bui in kotá pinoḷobongan kon mogoguyang in bobantung naa.”

NEHEMIA 5:14

Akuoi in nobaḻídon gubernur in Yohuda mopuḷú bodoyowá notaong in koonggotnea, pinangkoi nongkon taong indoyowa nopuḷú noidapot in taong intoḷu nopuḷú bodoyowá kon pinomarentaan i Datu Artahsasta. Kon dodai intua akuoi bo ki utatku mita in diábí kon dodai in onda in nogamá kon doit tondan in ḷopíku saḷaku gubernur.

YESAYA 58:12

Kotá inta noonggotdon in nobaḻí rumbunnea in posindogonmudon bui kon tudu in orotan koyongan. Moiko in tangoiondon ‘Bangusa inta moposindogdon bui in dinding mita bo monompia kon baḷoi mita inta ain nogoguyaat.’ ”

YESAYA 61:4

Mosia in moposindogbí in kotá mita inta ain noonggot in norumbun bo moposindog bui in tampat mita inta ain noonggot in noingongow.

YESAYA 65:24

Kon tungkuḷ in mosia diápa mopoigum Akuoi in motubag; kon tungkuḷ in mosia diápa mopaḷut mosambayang, Akuoi in notubagdon kon sambayang monia.

DANIEL 9:25

Paisdon bo kotaauandon in naa: Pitu pokali kon pitu notaong, in moitaḻibbí, pinangkoi kon dodai in pinoḷuai in parenta moposindog bui kon Yerusalem, modapot in mamangoi in itoi tobatú inta piniḻí i Allah. Kon bonu in pitu pokali kon onom nopuḷú bodoyowá notaong daḷan mita bo dinding mita in Yerusalem in posindogonbí bui, táe sempo in tatua in mopuḻingbí in roriga.