MAZMUR 89:36 - Alkitab Singog In Mongondow Masa In Tanaa

³⁶ Kokomintan tua modapot in mononoi Akuoi in mongibot podoyon kon tangoi-Ku inta motusi; Akuoi in diábí monguboḷ kon i Daud.

MAZMUR 89:36 Mawu Ofanana

SAMUEL 2 3:9

Maníka motuḷungdon in akuoi kon i Daud, apa doman ki Tuhan ain nodandi kon inia kon mogamábí kon dodatuan tanaa nongkon i Saul bo kon buínea mita, bo moduí kon i Daud mobaḻí datu kon bayongan in Israel bo Yohuda. Igumon mako ki Allah in moḻimod kon inakó, aka diá aidanku in dandi i Allah kon i Daud tua!”

SAMUEL 2 7:16

Iko in umuranbí mokouḻí kon buí, bo baḻíon-Kubí in dodatuanmu tantú moisindog mako. Kinoouputbí in dunia naa intau tobatú nongkon buímu in momarenta mobaḻí datu.’ ”

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

MAZMUR 72:5

Igumon mako sia in umuranpa mokotongod modapot in adí bo ompu kon tungkuḷ in oyúonpa in mata in singgai bo buḷan.

MAZMUR 89:29

Sia in tantúbí kotabi-Ku modapot in mononoi, dodandian-Ku takinnea in umuranbí morigon.

MAZMUR 89:4

Iko in noguman, “Akuoi in nogaidon kon dodandian takin intau inta piniḻí-Ku; Akuoi in nongibotdon kon i Daud, mogogundoi-Ku:

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

YESAYA 59:21

Akuoi in momia kon dodandian takin i monimu: Moiko in ogoian-Ku in kawasa-Ku bo totundú-Ku modapot in mononoi. Tundúdon kon i adímu mita sinbá mosia in motaau doman motundú kon tua kon adí bo ompu tanaa mako modapot in mononoi.”

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 33:20

“Akuoi in nomiadon kon dodandian takin in singgai bo doḷom, sinbá singgai bo doḷom umuran mamangoi kon wakutunea; dodandian tatua diábí motaau inggamáan.

YEREMIA 33:21

Natua doman in Akuoi ain nomia kon dodandian takin i mogogundoi-Ku ki Daud, kon nongkon buínea tantúbí oyúon in intau inta mobaḻí datu, bo Akuoi in nomiadon kon dodandian takin imang mita buí i Lewi kon mosia in umuranbí mogundoi kon i-Nakó. Dodandian mita tatua in diábí motaau popatan.

AMOS 4:2

Akuoi, ki Tuhan Inta Totok in Moḷantud in ki Tuhan inta motusi, bo Akuoi in nodandidon kon moiko in kon singgai moiduduimai in irudon in kokaud; moiko komintan in naonda bo toyá kon mata in kail.

LUKAS 1:33

Bo sia in mobaḻí doman Datu kon yua-yuak in intau mita inta buí i Yakub modapot in kopaḷutan in dunia. Dodatuan-Nea in mononoi.”

YOHANES 12:34

Intau mobayong kon tua noguman kon i-Nia, “Podudui kon Buk Hukum in agama nami, Datu Mopoposaḷamat tua in mobiagbí mononoi. Yo nongonu sin Iko in mogumanbí kon ki Adí Intau in poḷantudonbí kon dunia naa? Ki inebí in ki Adí Intau tatua?”