MAZMUR 89:32 - Alkitab Singog In Mongondow Masa In Tanaa

³² aka mosia in diá mopandungmai kon inta ain sinantú-Ku bo monaḷámai kon atorang-Ku,

MAZMUR 89:32 Mawu Ofanana

SAMUEL 2 7:14

Akuoi in mobaḻí ki Amánea, bo sia in mobaḻí ki adí-Ku ḷoḷaki. Aka mogaid in sia kon inta moitaḷá, yo hukumon-Ku in sia ná guyanga ḷoḷaki mohukum kon i adínea.

DATU MITA IMITÁNEA 11:14

Dá binaḻídon i Tuhan in ki Hadad, intau tobatú inta buí i datu in Edom, nosaturu kon i Datu Salomo.

DATU MITA IMITÁNEA 11:31

Onda intua nogumandon in sia kon i Yerobeam, “Gamádon in mopuḷú nopongkó kon inimu, sin ki Tuhan, Allah in Israel, noguman kon inimu nanaa, ‘Akuoi in mogamádon kon dodatuan tanaa nongkon i Salomo, bo mobogoi in mopuḷú nosuku kon inimu.

DATU MITA IMITÁNEA 11:39

Popisí in ki Salomo binaradosa, dá hukumon-Ku in buí i Daud, táe diábí mononoi.’ ”

DATU MITA IMITÁNEA 11:6

Natuata ki Salomo in nogaidon kon dosa kon i Tuhan. Ki Daud, ki amá i Salomo in dinumudui kon i Tuhan takin ḻimbatú in gina, táe ki Salomo in diábí ná tua.

DATU MITA IMITÁNEA 9:6

Táe aka iko bo buímu monoḻikud kon i-Nakó bo diá motoindudui kon bayongan in hukum bo parenta-Ku poḷat doman in iko mosumba kon ilah mita ibanea,

NEHEMIA 1:7

Kami in nokoyaatdon kon gina-Mu bo iḻimimpatdon kon parenta-Mu mita. Kami in diá notoindudui kon hukum mita inta inogoi-Mu kon inami pinongin i Musa, mogogundoi-Mu tua.

AYUB 9:34

Igumon mako ki Allah mogogai in mohukum kon inakó bo mopoyayú in kotoyangan-Nea nongkon inakó!

IḶUAIAN 32:34

Bayádon in tanaa, bo diádon in mosia kon tampat inta ain pinotaau-ku kon inimu. Malaekat-Ku in mokapit kon inimu, táe moiangoibí in wakutunea intau mita hukumon-Ku popisí in taḷá mita monia.”

AMOS 3:2

“Nongkon bayongan in bangusa kon dunia, tongábí moiko totobatú nion inta bangusa inta kinotaauan-Ku bo inta inindoian-Kumai. Tuamai in moḷoben in dosamu, bo notantúbí kon hukumon-Ku in moiko.”