MAZMUR 89:28 - Alkitab Singog In Mongondow Masa In Tanaa

²⁸ Baḻíon-Kubí in sia ki adí-Ku ḷoḷaki guya-guyang, inta moiḻiu in ḷantud nongkon bayongan in datu.

MAZMUR 89:28 Mawu Ofanana

SAMUEL 2 23:5

Natua doman in buíku binarakatan i Allah, dodandian-Nea kon inakó, diá mobaḷui, dandi-Nea tatua in mononoi bo motompod, notoinut kon bayongan in yagi-yagi. Ki Allah in moḷukad kon kountunganku bo mobogoi kon bayongan inta kinoibogku.

MAZMUR 111:5

Sia in nobogoi in rijiki kon intau inta motoguondok, bo inta umuran mokotorop kon dodandian-Nea.

MAZMUR 111:9

Sia in nopoḷuat kon umat-Nea, bo nomia kon dodandian mononoi takin i monia. Sia tua in ki Tuhan inta mokudus bo motorindog!

YESAYA 54:10

Umpaka buḷud mita bo tombuḷud mita modandú, Akuoi in diábí mogogai in monotabi kon inimu. Dodandian dodamean-Ku in umuran-Kubí kadaian,” Guman i Tuhan inta notabi kon inimu.

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.