MAZMUR 89:19 - Alkitab Singog In Mongondow Masa In Tanaa

¹⁹ Sin mogogoḻingoi nami in intau inta piniḻí-Mu, o Tuhan; datu nami in ki Allah Mokudus in Israel in kitogi.

MAZMUR 89:19 Mawu Ofanana

SAMUEL 2 17:10

Dá intau mita inta totok in mongotorindog bo mobarani naonda bo singa in notantúbí kon angoianbí in ondok. Sin bayongan intau in Israel in nonotaau bidon kon ki amá i Tuang tua in pahlawan, bo intaunea mita in intau doman mita inta motorindog bo mongobarani.

DATU MITA IMITÁNEA 11:34

Umpaka natua táe diábí daiton-Ku gamáan in bayongan dodatuan tatua nongkon inia. Sia in pomayá-Kubí mako mongawasa kon dodai in sia mobiagpa. Soaḷ tatua in pomiaan-Ku sin popisí in mogogundoi-Ku ki Daud, inta ain piniḻí-Ku bo inta dinumudui kon hukum-Ku bo parenta-Ku mita

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 42:3

Akuoi in mokotanob kon i Allah inta nobiag, toonu in motaau in akuoi mayá moibada kon Baḷoi-Nea?

MAZMUR 89:3

Sin kinotaauanku kon tabi-Mu in mononoi, kososatia-Mu in motorindog naonda bo ḷangit.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YEREMIA 30:21

Datu inta nomarenta kon i monimu in nongkon bangusamu takin diá in ḷamboinea dimiug in sia kon i-Nakó aka oiníon-Ku in sia mamangoi in tayowon-Ku. Sin ki ine in mokobaḻí tumayow kon i-Nakó podudui in ibognea tontaní? Moiko in mobaḻíbí umat-Ku bo Akuoi in mobaḻí Allahmu. Akuoi, Tuhan inta noguman kon tua.”

MARKUS 1:24

“Ei Yesus, intau in Nazaret, onuon-Mu in kami? Mamangoi degá momutú kon inami in Iko? Kotaauankubí in Iko: Iko nion in totabá i Allah inta motusi!”

LUKAS 1:70

Ná inta ain pinodandi-Nea pinongin nabi-Nea mita inta ain piniḻí-Nea.

PETRUS 2 1:21

Sin diábí kon dodai in onda koyow inta nongkon i Allah tatua in pinotaau tongá pinodudui kon ibog in intau inta noibog nopoyaput in koyow-Nea tatua.

PETRUS 2 3:2

Bo umuranku doman anjuron mako sinbá tantú monorop kon onu inta ain pinoguman in nabi mita i Allah tungkuḷ intua bo moponorop doman mako kon parenta i Tuhan bo i Datu Mopoposaḷamat, inta ain pinotaau in rasul mita kon i monimu.

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”