MAZMUR 88:15 - Alkitab Singog In Mongondow Masa In Tanaa

¹⁵ O Tuhan, nongonu sin dinoí-Mubí in akuoi? Nongonu sin pinomiḷagui-Mubí in pogot-Mu kon inakó?

MAZMUR 88:15 Mawu Ofanana

AYUB 17:1

Singgai kopatoianku in nodiugdon, gogiódon mobontow in poginaanku; dongkadon poḷoḷobongan in moyotakinku.

AYUB 30:20

Akuoi in nokuani kon ini-Mu, o Allah, Iko in doí notubag; aka mosambayang in akuoi, diá pandungon-Mumai.

AYUB 6:4

Piot nongkon i Inta Totok in Mokawasa noiḷambai kon awakku; bisanea in noibaya-bayádon kon bayongan in putú bo awakku. Kotoyang i Allah totok in mokoondok, bo nondangat kon inakó naonda bo tontara in musung.

MAZMUR 43:2

Ikobí in ki Allah moḷoḷukadku; nongonu sin taḷaan-Mubí in akuoi? Nongonu sin akuoi in umuranbí mobaba kon roriga popisí in doroton in musungku mita?

MAZMUR 44:25

Nongonu sin mogadopbí in Iko, bo moḻiong kon bayongan in roriga bo susa nami?

MAZMUR 73:14

Sin kinoouput in singgai akuoi koantugan in nahat; pomuḷoi in doḷo-doḷom akuoi rorigaan.

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

LUKAS 22:44

Tantúdon moondok in Sia, dá umurandon in Sia mosambayang. Uḷat-Nea in naonda bo dugú motait kon butá.]