MAZMUR 87:7 - Alkitab Singog In Mongondow Masa In Tanaa

⁷ Mosia in motayok bo mopodondongbí, “Sion in ḻipú kinoḷontaganku!”

MAZMUR 87:7 Mawu Ofanana

SAMUEL 2 6:14

Onda intua notayokdon totok in ki Daud takin ḷunganga in gina sin mohoromat kon i Tuhan. Kon dodai intua tongá in sia nomaké in sosapi linen inta nopoḷok inta sinogot kon ogotannea.

TAWARIKH 1 23:5

4.000 in moḷoḷukad, bo 4.000 doman in modayow kon i Tuhan mopomaké in pakakat mita in musik inta ain sinadia.

MAZMUR 149:3

Dayowdon in tangoi-Nea pongin tayok mita, dayowdon in Sia in kecapi bo rebana!

MAZMUR 36:9

Mosia in moorop in kaanon mobarong kon Baḷoi-Mu, takin oinumon nongkon ongkag-Mu inta mokoguḻí kon yogang.

MAZMUR 46:4

umpakabí dagat modoḻiok bo mobokoḷ moḷoben, bo tombuḷud mita mourot popisí in kodangatannea.

MAZMUR 68:26

Kon dotá in muna unaan in mododondong, kon dotá in tumi takinan in mopogogitog mita in kecapi; kon yua-yuak in mongodeaga mita mobobongkug kon rebana; nanaa in dodondong monia:

YESAYA 12:3

Naonda bo tubig motumping mokoguḻí kon rogang in intau, natuata in moiko in moposanang kon gina, popisí in pinosaḷamat i Allah.”

YEHEZKIEL 47:1

Ḷoḷaki tatua in nodia kon inakó nobui kon ngara tumuot kon Baḷoi Tuhan. Inontongku in tubig noiḻig nongkon ḻimonag in ngara tatua nopobayá ná pomukaan, ná doman Baḷoi Tuhan inta noitayow kon dotá in pomukaan. Tubig tatua in noiḻig nongkon ḻimonag in ngara in Baḷoi Tuhan kon dotá in toḷatan nongin sí dotá in toḷatan nongkon mezbah.

YOHANES 1:16

Moḷoben totok in tabi-Nea; diá in gogainea Sia in momarakat kon i naton.

YOHANES 4:10

Ki Yesus in notubag, “Aka kuma bo kinotaauanmu in totabi i Allah bo kinotaauanmu in ki ine in noigum kon inumon kon inimu, yo nopasti bidon kon iko tontaní in moigumbí kon tubig inumon kon i-Nia tua. Bo ogoian-Neabí iko in tubig kobiagan tatua.”

YOHANES 4:14

táe intau inta monginum kon tubig ogoi-Ku in diá bidon moyoga-yogang, sin tubig inta ogoi-Ku kon inia in mobaḻí bidon bokaká kon bonu in awaknea, bo umuran ḷumuai bo mobogoi in kobiagan mononoi.”

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

WAHYU 21:6

Bo Sia in noguman, “Komintandon nobaḻí! Akuoi naa in ki Alpa bo ki Omega, ki Inta muna-munamai bo ki Inta tumi-tumimai, Akuoibí naa in ki Tuhan nongkon pinomangkoian nodapot in pangabisan. Intau inta moyogang in poinumon-Ku, bo tongábí ogoi pomorosen nongkon bokaká inta mobogoi in kobiagan.

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.