MAZMUR 84:12 - Alkitab Singog In Mongondow Masa In Tanaa

¹² Sin ki Tuhan Allah in moḷoḷukad naton bo datu inta moḷantud, inta noponotabi kon inaton in tabi bo kahoromatan. Sia in diábí kon dodai in onda in nondoí kon onuka in mopia kon intau inta kobobiagnea diá in bogit.

MAZMUR 84:12 Mawu Ofanana

MAZMUR 125:4

O Tuhan, popoaidon in mopia kon intau mopia, kon intau inta motuḻid in gina.

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 34:8

Malaekat i Tuhan in moḷukad kon intau inta mopirisaya, bo mopoḷuat kon i monia nongkon anib.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

YESAYA 60:19

Iko in diábí paraḷu sindaran mata in singgai kon dodai in singgai, bo diábí paraḷu simbayagan in buḷan kon dodai in doḷom. Sin Akuoi ki Tuhan in nobaḻí mononimbayag mononoi kon inimu, Akuoi in monindar kon inimu pongin kamuliaan-Ku.