MAZMUR 55:15 - Alkitab Singog In Mongondow Masa In Tanaa

¹⁵ Dungkuḷmai noyobayat notompia in kita, bo noyotakinmai noibada kon Baḷoi Tuhan.

MAZMUR 55:15 Mawu Ofanana

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

SAMUEL 2 18:14

“Natuapa! Modaitdon in kasampatan tongá mobobayowan takinmu,” guman i Yoab. Bo ki Yoab nogamá kon pandong toḷu bo pinotakuḷnea kon dodob i Absalom inta nobiagpa bo noitadang mako kon tanga in kayu.

SAMUEL 2 18:9

Kon dodai in ki Absalom sinumakoi kon bagalnea, bo daḻídon in sia noyodungkuḷ in intau i Daud. Bagal tatua in sinumaḻib kon pangkoi in kayu inta moḷoben táe noompá, dá noiandupdon in uḷu i Absalom kon tanganea tobatú. Bagalnea tatua in noribatukdon turus táe ki Absalom in kinotaḷáan bo noitadangdon mako kon tua.

MAZMUR 59:13

Sin mosia in binaradosa pinongin tosingogon monia; biódon mako in mosia moibaaḷ kon bonu in ḷoḷatúnea, sin mosia in moibog mogodi-godi bo monguboḷ.

MAZMUR 64:7

Mosia in nonomayá kon inta moraat, bo noguman, “Kami in nonomayá kon inta diá mopia.” Gina bo raian in intau totok in modaḷom, diábí kodoḷopan.

MAZMUR 9:17

Ki Tuhan in nokipogontongdon tontaní popisí in singog inta sinantú-Nea in moadil. Intau moraat noiḷosok kon aidnea tontaní.

MATIUS 26:24

Adí Intau in memang mustibí mayá podudui inta aindon pinais soaḷ Sia, táe moboditodon in intau inta moposarakan kon i Adí Intau tatua. Mopia-piabí in intau natua diá pinononggadí!”

MATIUS 27:5

Bo pinogarabnea in doit tatua kon bonu in Baḷoi Tuhan, bo minayá ginumantong.