MAZMUR 44:23 - Alkitab Singog In Mongondow Masa In Tanaa

²³ Popisí in dinumudui kon ini-Mu dá kami in umuranbí gogondokon in popatoi, bo pinomia naonda bo domba inta rorataan.

MAZMUR 44:23 Mawu Ofanana

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 35:23

Sindogdon bo duḷuai in pelekaraku, o Allahku bo Tuhanku, tuḷungaipa kaasí in akuoi!

MAZMUR 44:9

Dá kami in umuranbí mopoyunggaga kon ini-Mu, bo tantú mopoyaput in sukur kon ini-Mu.

MAZMUR 7:6

yo pomayádon mako in akuoi inaḷowan bo dinomok in musung, poḷat iḻimod bo sinaḷáan mako natua kon butá.

MAZMUR 74:1

Dondong topotundú i Asap. O Allah, degá modapot in mononoi taḷaan-Mu in kami? Nongonu sin Iko in umuranbí tumorú kon umat-Mu tontaní?

MAZMUR 77:7

Kon dodai in doḷom akuoi in moporai-raimai, bo mopoḻibo-ḻibómai kon bonu in gina,

MAZMUR 78:65

Dá sinimindog in ki Tuhan naonda bo intau bagu nobangon kon pinosiugan, naonda bo intau moropot nopaḷut nonginum kon anggur.

MAZMUR 88:14

Táe akuoi in mokituḷung kon ini-Mu, o Tuhan, pomuḷoi in doḷo-doḷom poyaputku in sambayang kon ini-Mu.

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

MARKUS 4:38

Dodai intua ki Yesus nosiug kon dotá in tumi uangga. Sia nonguḷun kon oḷunan bo noḷoḷot. Murí-Nea mita namangoi noguḷung kon i-Nia poḷat noguman, “Pak Guru, diádon degá pandungonmai i Pak Guru, mobodito in kita!”