MAZMUR 44:15 - Alkitab Singog In Mongondow Masa In Tanaa

¹⁵ Binaḻí-Mu in kami tososigid in bangusa mita; momombiḻing in mosia poḷat moningkuḻe kon inami.

MAZMUR 44:15 Mawu Ofanana

DATU MITA IMITÁNEA 9:7

dá poguntunon-Ku in umat-Ku Israel nongkon butá inta ain inogoi-Ku kon i monia. Taḷaan-Ku domandon in baḷoi tanaa inta ain sinantú-Ku mobaḻí tampat pososumbaan kon i-Nakó. Kon ondakabí in intau in Israel singkuḻeonbí bo kosingan.

TAWARIKH 2 32:21

Bo ki Tuhan in nopotabá mangoi in malaekat inta noḻimod kon tontara mita bo porwira mita in Asyur tatua. Sidia in oyá totok nobuidon in ki datu Asyur kon butánea. Kon singgai tobatú kon dodai in sia kon bonu in baḷoi in dewanea, tongonumai nongkon i adínea mita in namangoi nonibat in pitow kon inia.

EZRA 9:6

Akuoi in noguman, “Oo Allahku, akuoi naa in mooyá in dumungá kon tayowon-Mu. Dosa nami in moyo-moyoguntuḷdon kon tudu in uḷu nami noidapotdon in ḷangit.

AYUB 17:6

Tanaa akuoi in sinigid in singog tango-tangoion tatua, mosia in namangoi sin monduyá kon pogotku.

MAZMUR 69:7

Dikabí pomayá mako in akuoi mokopooyámai kon intau mita inta mongamang kon ini-Mu, o Tuhan, Allah Inta Totok in mokawasa. Dikabí pomayá mako in akuoi mokopoangoi in kotor kon intau mita inta nosumba kon ini-Mu, o Allah in Israel!

MAZMUR 71:13

Biódon mako in intau inta monubu kon inakó pokopooyáanmai bo yopúon. Biódon mako in intau inta moibog mopobodito kon inakó motoboḻingo bo ḻibutan in mokooyá.

MAZMUR 89:45

Inimbuitan-Mu in kawasanea inta ponango-nangoian, ḷoḻitúannea in pinogonag-Mu kon butá.

YEREMIA 3:25

Dá, pomayádon mako in kami in mobaba kon oyá, bo pomayádon mako in kami mobaḻí mohina. Sin, kami bo mogoguyang nami ain binaradosa kon i Tuhan Allah nami, bo diá kon dodai in onda in notoḷutui kon parenta-Nea mita.”

YEREMIA 51:51

Moiko in moguman, ‘Kami in siningkuḻe bo pinokopo oyámai; kami in kinobuḻiandon in pogot popisí in intau mita ango-angoi iḻimitú kon yuang mita motusi kon bonu in Baḷoi i Tuhan.’

OMBAḶ 2:15

Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”