MAZMUR 35:27 - Alkitab Singog In Mongondow Masa In Tanaa

²⁷ Igumon mako intau inta moibog moindoimai kon inakó in ogoi in monggiow bo mopoḷunganga in gina. Igumon mako mopobui-buimai in mosia in moguman, “Totuubí kon moḷantud totok in ki Tuhan! Ibogon-Nea sinbá mosaḷamatbí in mogogundoi-Nea!”

MAZMUR 35:27 Mawu Ofanana

MAZMUR 132:16

Imangnea mita in mopoontongbí in kasaḷamatan nongkon i-Nakó; umatnea in modondongbí bo monggiow pia in gina.

MAZMUR 132:9

Igumon mako in umat-Mu monggiow pia in gina, bo imang-Mu mita in umuran mobiag podudui in ibog-Mu.

MAZMUR 142:7

Indongogaipa kaasí in kuaniku, sin totok in mororiga in akuoi. Posaḷamatpa kaasí in akuoi nongkon musungku mita, sin mosia in moropo-ropot in akuoi.

MAZMUR 147:11

Mopia in gina i Tuhan kon intau inta motoguondok, kon intau inta umuran mongamang mako kon tabi-Nea.

MAZMUR 149:4

Ki Tuhan in moibog kon umat-Nea; pinountung-Nea in intau inta moompá in dodia.

MAZMUR 32:11

Ei intau mita motoḷutui, pokosanangdon bo pokoḷungangadon sin onu inta ain pinomia i Tuhan Porogiowdon takin pia in gina, ei bayongan in intau inta motuḻid in gina!

MAZMUR 34:4

Poḷantudon in ki Tuhan takinku, igai moyotakin mopomulia kon tangoi-Nea.

MAZMUR 40:16

Biódon mako in intau inta kinumosing kon inakó moitaḻikokog bo mooyá.

MAZMUR 40:17

Igumon mako in bayongan in intau inta nosumba kon ini-Mu moḷunganga bo mopia in gina, bo bayongan inta motabi kon kasaḷamatan nongkon ini-Mu umuran moguman, “Totuubí moḷantud in ki Tuhan!”

MAZMUR 68:3

Pinoguntun i Allah in mosia mayá, naonda bo poyok inta inirup bo noinggamádon. Naonda bo lilin inta ḷumoḷayat kon bonu in tuḷú, natuata in intau moraat moinggamá nongkon tayowon i Allah.

MAZMUR 70:4

Biódon mako in intau inta kinumosing kon inakó moitaḻikokog bo mooyá.

MAZMUR 9:4

Kon tayowon-Mu musungku in nomurow bo noḷagui; mosia in noḷabú noipintud bo minatoi.

AMSAL 8:18

Kon inakó in sinadiabí in kaoyúonan, kahoromatan bo kobiagan inta motompia.

ZEPANYA 3:14

Ei Israel, porogiow bo podondongdon! Ei Yerusalem, koḷungangadon koḻimbatúon in gina!

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

YOHANES 16:22

Natuabí doman in moiko: Tanaa mako mosusapabí in gina monimu, táe buipabí in Akuoi moyodungkuḷ monimu, dá moḷunganga in gina monimu; bo diábí tobatúmai intau in motaau mogamá kon ḷunganga in ginamu tatua.

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

KORINTUS 1 12:26

Manangka intua aka anggota tobatú bo mokorasa kon roriga, yo anggota ibanea in mokorasa doman kon roriga tatua; bo aka tobatú anggota bo duíon, yo gina in anggota ibanea in tumpaḷabí moḷunganga.