MAZMUR 35:12 - Alkitab Singog In Mongondow Masa In Tanaa

¹² Aidku inta mopia sinuḻían monia in aid moraat; akuoi in noḷomot kon dodai in kinobuḻian in kamang.

MAZMUR 35:12 Mawu Ofanana

TAWARIKH 1 19:4

Ki Datu Hanun in nodomok kon totabá mita i Daud tatua, bo kinarugan in tampeng monia, bo nomongkó kon ḷambung monia kinodapot in kayang, bo pinotabá in mosia minayá.

MAZMUR 142:5

Kon dodai in akuoi nobobui kon sikumai, diábí in inontongku in motuḷung kon inakó. Diábí in nogoḻingoi kon inakó, andeka inta nopandungmai kon inakó.

MAZMUR 38:20

Intau mita inta nosaturu kon inakó in nobayong bo moropot, mosia in doí kon kobobiagku.

MAZMUR 38:21

Intau inta nopotuḻí in moraat kon inta mopia in mosaturubí kon inakó sin akuoi in nogaid kon inta mopia.

AMSAL 17:13

Ki ine in mopotuḻí in moraat kon inta mopia, yo aid moraat tatua in diábí doman kopoḷuaian nongkon baḷoinea.

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

YOHANES 10:32

Táe ki Yesus in noguman kon i monia, “Moiko ain nokoontong kon i-Nakó nogaid kon nobayong in oaidan inta mopia, inta pinoki aid i Amá kon i-Nakó. Nongkon oaidan mita tatua, onda in baḻíon monimu dodoyonan poganduran kon i-Nakó?”

SAMUEL 1 19:15

Táe bui i Saul pinotabá in mosia minayá intua sin moindoi moyotomatamai. Sia in nomarenta, “Diadon mangoi in sia kon naa, takin tosiugannea, sinbá ḻimodonku.”

SAMUEL 1 25:21

Kon dodai intua ki Daud norai, “Diábí in mangaḻenea in akuoi noḷukad kon kapunyaan in intau tatua kon padang gurun! Diábí topiḻikmai in nobuḻi nongkon kapunyaannea; bo tanaa in sinuḻíannea in aidku mopia tatua takin aidnea moraat!