MAZMUR 35:10 - Alkitab Singog In Mongondow Masa In Tanaa

¹⁰ Takin ḻimbatú in gina akuoi in moguman, “Tuhan, diábí in motaau popotongkaian kon ini-Mu! Iko in nopoḷuat kon inta moyangkó nongkon i inta moropot, inta nobogá bo nororiga nongkon i inta nondorot kon inia.”

MAZMUR 35:10 Mawu Ofanana

SAMUEL 2 22:18

Sia in noposaḷamat kon inakó nongkon musung inta moropot bo nongkon intau inta doí kon inakó sin mosia in moropo-ropot in akuoi.

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

MAZMUR 102:3

Dika toḻikudan in akuoi aka koumaan in susa in akuoi. Indongogaipa kaasí in akuoi aka mokuani, bo ḷagidon tubagai in akuoi.

MAZMUR 103:6

Ki Tuhan in mopobayá in hukum bo kooadil kon bayongan in intau inta dinorot.

MAZMUR 109:31

Sin Sia in moduḷu bo moposaḷamat kon intau bogá nongkon i monia inta mopoḷabú in hukuman matoi kon inia.

MAZMUR 140:12

Biódon mako in intau inta moḻingá koantugan in bodito, dikadon pomayá mako in mopoponapud in uboḷ mogutun kon butá.

MAZMUR 140:13

Kinotaauanku kon Iko in mobogoibí in inta moadil kon intau inta dinorot, bo moduḷu kon pelekara in intau nobogá.

MAZMUR 146:7

Sia in moduḷu kon hak in intau mita inta sinoko dorot, bo mobogoi in kaanon kon intau inta ginogoi. Ki Tuhan in mopoḷuai kon intau mita inta pinonjara,

MAZMUR 18:17

Nongkon omonik ki Tuhan nopotuntun in ḻima-Nea; kinadaian-Nea in akuoi bo inugut-Nea nongkon tubig inta noḻinow.

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

MAZMUR 22:24

Dayowdon in sia, ei intau mita inta mopirisaya! Pomuliadon in Sia, bayongan bui i Yakub! Tonsiupdon kon i-Nia, bayongan in buí in Israel!

MAZMUR 32:3

Kon dodai in akuoi diá mongaku kon dosaku, moḷungkoyódon in akuoi popisí in mogamui kinoouput in singgai.

MAZMUR 34:20

Mobayongbí in roriga in intau mopia, táe ki Tuhan in mopoḷuatbí kon inia nongkon bayongan intua.

MAZMUR 34:6

Intau dinorot nongamang kon i-Nia bo mopia in gina, diábí in dodoyonan monia kon mooyá.

MAZMUR 37:14

Intau moraat norabut kon kedang bo nopopiot in piotnea sin moḻimod kon intau nobogá bo nororiga, sin momatoi kon intau inta mobiag mopia.

MAZMUR 38:3

Piot-Mu in noiḷambai nonongkekeb kon awakku, ḻima-Mu in korasaan mobogat in mondorot kon inakó.

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

MAZMUR 51:8

Iko in monuntut kon kototuḻid in gina; pogonúaidon in ginaku in hikmat-Mu.

MAZMUR 69:33

Mokoontong kon tua, inta dinorot mopia-pia in gina, intau inta mosumba kon i Allah moḷoben in gina.

MAZMUR 71:19

O Allah, kooadil-Mu ná koḷantud in ḷangit; moḷobenbí in oaidan-Mu mita: ki inebí in mokotongkai kon ini-Mu?

MAZMUR 86:8

O Tuhan, diábí in ilah in ná Iko, diábí in nokoaid kon ná inta inaidan-Mu.

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

YESAYA 40:18

Dá ki ine in popotongkaianmu kon i Allah? Ki ine in inanggapmu notombatangan-Nea?

YESAYA 40:25

Ki ine in inanggapmu notombatangan i Allah Inta Totok in mokudus? Ki ine i popotongkaianmu kon i-Nia?

YEREMIA 10:7

Ki ine in doí mopirisaya kon ini-Mu, datu in bayongan bangusa? Totuu, Iko in patusbí totok in horomaton. Nongkon bayongan inta mopandoi kon sigad in bangusa mita bo nongkon bayongan in datu mita monia, diábí in tobatúmai in motaau popotongkaian kon ini-Mu o Tuhan.

YEREMIA 20:13

Podondongdon kon i Tuhan bo dayowdon in Sia sin Sia in mopoḷuat kon intau inta dinorot in intau moraat.