MAZMUR 33:15 - Alkitab Singog In Mongondow Masa In Tanaa

¹⁵ Siabí inta nomia kon gina monia, bo nonotaau kon bayongan in oaid monia.

MAZMUR 33:15 Mawu Ofanana

AYUB 10:8

Akuoi naa in pinomiabí in ḻima-Mu, umpaka yo tanaa yopúon-Mu in akuoi?

AYUB 11:11

Kotaauanbí i Allah in intau inta moibog monguboḷ; aid moraat monia modaitbí ontongon-Nea.

MAZMUR 44:21

Aka kuma bo kami in diádon nosumba kon i Allah, táe nosambayangdon kon i ilah ibanea mako,

AMSAL 22:2

Intau nooyúon bo intau nobogá oyúon in notongkai kon monia: Ki Tuhanbí in nomaḻí kon i monia komintan.

AMSAL 24:12

Motaaubí in iko moguman, “Tua in deemanbí totaauku.” Táe ki Allah in noindoi mako kon inimu. Kinotaauan-Neabí bo adilon-Nea in raianmu. Sia in motuḻí kon intau podudui in aidnea.

AMSAL 27:19

Naonda bo tubig inta mopoontong in oḻinowmu, yo natua doman in ginamu moponiata mongo ki ine in iko.

MOHOHUTUBA 7:29

Tongábí naa in nouḻíku: Pinomia i Allah in kita diá noiḻiu bo biasabímai. Táe kitabí tontaní in mopororigamai bo mopoyagi-yagimai.

YESAYA 64:8

Táe Iko, o Tuhan, in ki Amá nami, kami in butá ḷamentong, bo Iko in nomia kon inami; kami komintan in aidbí in ḻima-Mu.

YEREMIA 16:17

Akuoi in nokoontong kon bayongan inta inaidan monia. Diábí in noibuni kon i-Nakó; dosa doman mita monia ain inontong-Ku.

YEREMIA 32:19

Tomayá-Mu mita in motoyang, bo aid-Mu mita in mokoherang; Iko in nokoontong kon bayongan inta inaidan in intau, bo motuḻí kon i monia podudui in aid monia.

HOSEA 7:2

Diábí kon dodai in onda in noiraimai kon i monia kon toropon-Kubí in bayongan in aid moraat tatua. Táe dosa mita monia in noikoḷobdon kon i monia dá nosilangdon totok kon mata-Ku.”

OUMAN IN RASUL MITA 17:26

Nongkon intau tobatú pinomia-Nea in bayongan intau bo pinoutun-Nea kon dunia naa. Siabí doman tua inta nonantú nongkon pinomangkoianmai, toonu bo kon onda in motaau kobiagan in intau.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.