MAZMUR 31:21 - Alkitab Singog In Mongondow Masa In Tanaa

²¹ Iko in nobuni kon i monia kon siungon-Mu nongkon toḻimpaan in intau moraat; Iḷukadan-Mu in mosia kon bonu in kawasa-Mu nongkon inta pinonapud in ḷawang.

MAZMUR 31:21 Mawu Ofanana

AYUB 5:21

Iko in ḷukadanbí nongkon tapud bo ouman inta diá totuu; sinayowanmu in bodito takin diá moondok.

MAZMUR 118:23

Tuata in aid i Tuhan, totuu mokoherang kon inaton.

MAZMUR 17:7

Poontongdon in tabi-Mu inta mokoherang sin pinosaḷamat-Mu in intau inta namangoi kon ini-Mu, kon diug-Mu moioḻingoi in mosia nongkon ponubuan in musung.

MAZMUR 27:5

Ki Tuhan in moḷukadbí kon inakó kon dodai in mororiga; binuni-Nea in akuoi kon bonu in Baḷoi-Nea, bo nodia kon inakó pinobayá kon tudu in buḷud batu.

MAZMUR 98:1

Mazmur. Podondongdon in dondong mobagu kon i Tuhan, sin aid-Nea mita inta mokotongaw! Pinongin kawasa bo ropot-Nea tontaní Sia in nokountungdon.

YEREMIA 1:18

Indongogai! Iko in tayowanbí in intau mita kon butá tanaa, pinomayá datu mita in Yohuda, pomarenta mita, imang mita, bo rayat. Táe singgai naa Akuoi in mobogoi in ropot kon inimu sin monayow kon i monia. Iko in mobaḻídon naonda bo kotá inta dininding, naonda bo oigi uatoi bo dinding bitú. Mosia in diábí mokotaḷow kon inimu, sin Akuoi in moyotakinmu bo moḷukad kon inimu. Akuoi, ki Tuhan, ain nosingog.”

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.