MAZMUR 31:15 - Alkitab Singog In Mongondow Masa In Tanaa

¹⁵ Táe akuoi in mongamang mako kon ini-Mu, o Tuhan, sin Ikobí in ki Allahku.

MAZMUR 31:15 Mawu Ofanana

SAMUEL 2 7:12

Kon singgai moiduduimai, aka wakutumudon matoi, bo iko in ḷobongon kon pinoḷobongan kon mogoguyangmu, ki adímu ḷoḷaki in duíon-Ku mobaḻí datu. Siadon tua in momia kon baḷoi kon i-Nakó. Dodatuan-Nea in irigonan-Ku bo kon kinoouputbí in dunia naa tobatú buínea in momarenta mobaḻí datu.

TAWARIKH 2 14:10

Dá iḷumuaidon in ki Asa nonayow kon i Zerah, bo taya dua in tumpaḷadon nonompia kon pipidannea-pipidannea kon Ḷopá in Zepata kon diug in Maresa.

AYUB 24:1

Nongonu sin ki Allah in diábí nonantú kon singgai pohakiman, sinbá intau mita inta nonotaau kon i-Nia in mokouḻí kon koadilan?

MAZMUR 116:15

Ki Tuhan in totok in motabi kon kopatoian in intau inta kinotabi-Nea.

MAZMUR 140:7

O Tuhan, gumanku: Ikobí in ki Allahku, indongogaipa kaasí in sambayang oigumku.

MAZMUR 142:6

Akuoi in nokuani kon ini-Mu, o Tuhan, Ikobí in pogogadopanku, Tongábí Iko in paraḷuku kon kobiagan tanaa.

MAZMUR 143:12

Podoyon kon tabi-Mu yompatdon in bayongan musungku, yopúdon in bayongan inta monondorot kon inakó, sin akuoi in mogogundoi-Mu.

MAZMUR 143:3

Musungku in nondudurdon kon inakó bo sinaḷownea in akuoi, bo pinobonunea in akuoi kon ponjara inta mosindip; akuoi in nobaḻídon naonda bo intau inta noonggotdon in minatoi.

MAZMUR 143:9

Akuoi in mamangoi sin moniug kon ini-Mu, o Tuhan, poḷuatdon in akuoi nongkon musungku mita.

MAZMUR 17:13

Sindogdon kaasí o Tuhan, tayowaidon in musungku bo upetdon in mosia. Posaḷamatdon in akuoi in kedang-Mu nongkon ponubuan in intau moraat.

MAZMUR 25:2

o Allahku, akuoi in mopirisaya kon ini-Mu! Dika pomayá mako in akuoi pokopooyáanmai, bo goḷokapan in musungku mita.

MAZMUR 91:2

in motaaubí in moguman kon i Tuhan, “Ikobí in mododuḷu bo mogogoḻingoiku, Allahku, Ikobí in pirisayaanku.”

IḶUAIAN 40:37

Táe aka goḷom tatua diá momonik, mosia diábí mobuat nongkon tua.

YESAYA 25:1

Tuhan, Ikobí in ki Allahku, poḷantudonku in Iko bo dayowonku in tangoi-Mu. Sin oaidan-Mu mita totok in mokoherang; Nongkon dungkuḷmai Iko in nonomayá, bo umuran mosatia in Iko in nogaid kon tua.

YEREMIA 31:18

Dinongog-Ku umat in Israel noguman takin robonoḷ in gina, ‘O Tuhan, kami naa in naonda bo biag inta diápa iyonok táe sinundú-Mu in kami sinbá motoindudui, bo tanaa kami in nosadiadon mobui mangoi kon ini-Mu. Dá, diádon in kami mobui, o Tuhan, Allah nami.

LUKAS 9:51

Naonda in modiugdon wakutu i Yesus mayá in soroga, sinantú-Neadon kon Sia in mayádon in Yerusalem.

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

YOHANES 13:1

Tosinggaipa in Singgai Moḷoben Paska, koyongandon kinotaauan i Yesus kon wakutuneadon Sia in monaḷámai kon dunia naa sin mobuidon kon i Amá-Nea. Sia motabi kon intau mita inta nobaḻí kapunyaan-Nea kon dunia naa, bo tantú-Neabí doman kotabi umaai in kopaḷutan dunia naa.

YOHANES 17:1

Nopaḷut mako nosingog kon tua, ki Yesus iḷumangag kon ḷangit bo noguman, “Amá, naadon in wakutunea. Poḷantudon in ki Adí-Mu, sinbá ki Adí-Mu in mopoḷantud doman kon i Amá.

YOHANES 7:30

Dodai intua ramujiondon monia domokon in Sia, táe diá tobatúmai intau mokobaḻí mokadai kon i-Nia, sin deemanpa wakutunea.

YOHANES 7:6

“Deemanpabí wakutu-Ku,” guman i Yesus kon i monia, “Táe aka kon i monimu, motaaubí in pomuḷoi mako.

OUMAN IN RASUL MITA 1:7

Ki Yesus in notubag, “Diábí paraḷu kotaauanmu in sempo andeka wakutunea, sin tua in ki Amá-Kubí in monantú podudui in kawasa-Nea.

OUMAN IN RASUL MITA 23:11

Kon doḷom noiduduimai ki Tuhan Yesus in namangoi sinimindog kon diugneamai bo noguman kon inia, “Koropotdon in ginamu! Sin iko aindon nobarani in nongonguman kon onu inta inontong bo dinongogmu soaḷ Akuoi kon intau mita kon Yerusalem, dá ná doman tuata iko in mayá bo mongonguman kon intau mita in Rum kon onu inta ain inontong bo dinongogmu soaḷ Akuoi.”

OUMAN IN RASUL MITA 27:24

Bo noguman, ‘Dika moondok, Paulus! Sin moyotayowbí i Kaisar in iko. Bo totuubí kon popisí in totabi i Allah kon inimu dá bayongan in intau kon kapaḷ tanaa inta noyotakinmu mosaḷamatbí komintan.’

TIMOTIUS 2 4:6

Aka soaḷ akuoi, yo naadon i wakutu matoi saḷaku kuruban kon i Allah. Diádon moonggot monaḷámaidon kon dunia naa in akuoi.

PETRUS 2 1:14

Sin kinotaauanku bidon kon diá bidon moonggot in akuoi bo matoi, sin pinotaau bidon notarang i Tuhan Yesus Kristus kon inakó intua.

SAMUEL 1 26:10

Podoyon kon i Tuhan inta nobiag, kinotaauankubí kon bain ki Tuhan tontaní in moḻimod kon i Saul, aka modapotdon in wakutunea matoi, andeka aka sia matoi kon poparangan.