MAZMUR 22:26 - Alkitab Singog In Mongondow Masa In Tanaa
26 Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.
Kon tayowon in intau mobayong tatua ki Datu Daud nodayow kon i Tuhan. Sia in noguman, “Oo Tuhan Allah inta sinumba i Yakub mogoguyang nami, dinayo-dayowdon in Iko modapot in mononoi!
Kon bonu in poyosipunan in umat-Mu potaauku in habar mokosanang kon Iko in noposaḷamatdon kon inami. Diá mogoga-gogai potaauku intua, kinotaauan-Mubí intua komintan, o Tuhan.
Kon Buḷud in Sion, ki Tuhan Inta Totok in mokawasa in mosadia kon pongaanan in bayongan in intau kon dunia. Inoḷudan-Nea in kaanon inta totok in mopia in nanamnea bo anggur inta piniḻí.
Totuu, intau inta mosumba kon i-Nakó in mongaanbí táe moiko in koaputanbí in gogoy. Mosia in monginumbí, táe moiko in koaputan in rogang, mosia in moḷunganga, táe moiko in pokopooyáanmai.
táe intau inta monginum kon tubig ogoi-Ku in diá bidon moyoga-yogang, sin tubig inta ogoi-Ku kon inia in mobaḻí bidon bokaká kon bonu in awaknea, bo umuran ḷumuai bo mobogoi in kobiagan mononoi.”