MAZMUR 138:2 - Alkitab Singog In Mongondow Masa In Tanaa

² Tumungkud in akuoi tumayow kon Baḷoi-Mu inta motusi poḷat modayow kon tangoi-Mu, sin Iko in mosatia bo umuran motabi. Iko in mopounabí in dandi-Mu nongkon onu in pinoguman in intau soaḷ Iko.

MAZMUR 138:2 Mawu Ofanana

DATU MITA IMITÁNEA 8:15

Sia in nosingog, “Koḻipod in ki Tuhan in nodandidon kon i amáku ki Daud nanaa, ‘Pinangkoi Akuoi nodia kon umat-Ku iḻumuai nongkon Mesir, kon bayongan in butá in Israel diábí in tobatúmai in kotá inta piniḻí-Ku nobaḻí tampat poposindogan in baḷoi tampat poibadaan kon i-Nakó. Táe Iko, Daud, piniḻí-Ku sin momarenta kon umat-Ku.’ Dinayo-dayowdon in ki Tuhan Allah in Israel inta ain nogintompod kon dandi-Nea tatua!”

DATU MITA IMITÁNEA 8:20

Tanaa in ki Tuhan in nogintompodon kon dandi-Nea. Akuoi ain nobaḻí datu in Israel nomaḷui kon i amáku, bo akuoi in noposindog domandon in baḷoi pososumbaan kon i Tuhan, Allah in Israel.

DATU MITA IMITÁNEA 8:24

Iko in nogintompodon kon dandi-Mu kon i amáku ki Daud. Onu inta pinodandi-Mu tatua aindon inaidan-Mu singgai in naa.

MAZMUR 115:1

Deemanbí kami, o Tuhan, deemanbí kami, táe tongábí Iko in musti dayowon, sin Iko in mosatia bo umuran motabi.

MAZMUR 28:2

Indongogaipa in oigumku aka akuoi momaḷú mokituḷung, bo mopotundú in ḻimaku kon Baḷoi-Mu inta motusi.

MAZMUR 5:7

Yopúon-Mu in intau mita inta moibog monguboḷ. Mopopak bo moḷoḻimod mobú in Iko in mokoontong.

MAZMUR 5:8

Táe popisí in tabi-Mu inta moḷoben, akuoi in motaaubí tumuot kon bonu in Baḷoi-Mu. Dumokó in akuoi tumayow kon Baḷoi-Mu inta motusi, bo sumbáanku in Iko takin ḻimbatú in gina.

MAZMUR 56:10

Kon singgai in akuoi mokuani kon ini-Mu, musung in bongkugonbí modapot in umundok, sin kinotaauanku kon ki Allah in dumotábí kon inakó.

MAZMUR 56:4

Kon dodai in noondok in akuoi, akuoi in nongamang kon ini-Mu.

MAZMUR 85:10

Totuu, Sia in moibogbí moposaḷamat kon intau inta modagin kon i-Nia, ki Allah inta moḷantud in mogutunbí kon butá naton.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

MAZMUR 99:5

Poḷantudon in ki Tuhan Allah naton, dokódon kon tayowon in pomomarentaan-Nea. Mokudusbí in Sia!

MAZMUR 99:9

Poḷantudon in ki Tuhan Allah naton, bo sumbadon in Sia kon buḷud-Nea inta motusi, sin mokudusbí in ki Tuhan Allah naton.

YESAYA 42:21

Ki Tuhan in moibog moposaḷamat; Ibogon-Nea hukum-Nea in horomaton bo untuon.

YESAYA 63:7

Akuoi in mopohabar in tabi i Tuhan bo modayow kon i-Nia sin bayongan in aid-Nea. Binarakatan-Nea totok in umat-Nea, sin Sia in nonotabi bo tabi-Nea in diábí moobo-obot.

DANIEL 6:10

Dá ki Datu Darius in notekengdon kon surat parenta tatua.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

MATIUS 5:18

Poguman-Ku kon i monimu: Kon dodai in ḷangit bo butá naa diápa moingamá yo tobatúmai in hurup andeka titik kon hukum i Musa diábí in inggamáan, kon wakutu in bayongan tua diápa mobaḻí komintan!

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

YOHANES 10:35

Kinotaauanbí naton kon onu inta ain pinais kon bonu in Buk Motusi umuranbí pakéon, diábí in goga-gogainea. Dá aka ki Allah monangoi ‘ilah’ kon intau mita inta nopirisayadon kon singog-Nea.