MAZMUR 119:95 - Alkitab Singog In Mongondow Masa In Tanaa

⁹⁵ Intau moraat in mogoḷat mako sin moḻimod kon inakó, táe akuoi in moibogbí monaridimai kon hukum-Mu.

MAZMUR 119:95 Mawu Ofanana

MAZMUR 119:111

Parenta-Mu in bongkoḷku modapot in mononoi, inta nokoḷunganga kon ginaku.

MAZMUR 119:125

Akuoi in mogogundoi-Mu, baḻídon in akuoi momangaḻe, sinbá komangaḻeanku in parenta-Mu.

MAZMUR 119:129

Atorang-Mu mita in totuu kon mokotongaw, dá dinuduianku takin ḻimbatú in gina.

MAZMUR 119:167

Akuoi in notoindudui kon atorang-Mu mita, bo noibog kon inia takin ḻimbatú in gina.

MAZMUR 119:24

Atorang-Mu mita in nobaḻí mononongginaku inta nokosanang kon ginaku.

MAZMUR 119:31

Akuoi in dinumuduidon kon atorang-Mu mita, o Tuhan, dika pomayá mako in akuoi in pokooyáanmai.

MAZMUR 119:61

Intau moraat motaan kon potait kon inakó, táe akuoi in diábí mokoḻiong kon hukum-Mu.

MAZMUR 119:69

Intau moḷoḷatú noningkuḻe kon inakó, táe noḻimbatúbí in ginaku in sinumoḷutui kon atorang-Mu.

MAZMUR 27:2

Aka akuoi tubuon in intau moraat inta moibog moḻimod kon inakó, yo mosiabí in moipintud bo moḷabú.

MAZMUR 37:32

Intau mopia tarapon mako in intau moraat inta motayak kon kasampatan moḻimod kon inia.

MAZMUR 38:12

Yobayatku mita yumayú popisí in panyakiku, nodapot in ginaḷum bo utatku yumayú kon inakó.

OUMAN IN RASUL MITA 12:11

Bain nopaḷut mako kon tua bo kinotaauannea in onu inta bagupa nobaḻí kon inia, bo sia in noguman, “Tanaa mako in kinotaauankudon kon ki Tuhan in totu-totuubí nopotabá in malaekat-Nea moposaḷamat kon inakó nongkon kawasa i Herodes bo nongkon rupa-rupa inta moraat inta popoaid in intau in Yahudi kon inakó.”

OUMAN IN RASUL MITA 23:21

Tongá donaaibí duduian i Tuang onu in poigumon monia tua. Sin oyúonbí in noiḻiumai kon opat nopuḷú in intau nongkon imonia tua in nogadop kon daḷan sin monomayá moḷabot kon i Paulus kon yuak in daḷan. Intau mita tatua ain nongibot poḷat nongutuk kon mosia in diápabí mopongaa-ngaan bo moponginu-nginum aka diápa koḻimodan monia in ki Paulus. Tanaa in mosia aindon nobasadia, dongka bidon mogoḷat kon singog i Tuang.”

OUMAN IN RASUL MITA 25:3

Mosia in umuran modondouḷug kon i Pestus sinbá podudui in kopopia in ginanea, sin in moibog mopotabá kon intau modia kon i Paulus mayá in Yerusalem; sin mosia ain notobatú kon gina moḻimod kon inia wakutu in sia kon daḷanpa.