MAZMUR 119:87 - Alkitab Singog In Mongondow Masa In Tanaa

⁸⁷ Gogió bo kinoḻimodandon monia in akuoi, táe diábí sinaḷáankumai in parenta-Mu.

MAZMUR 119:87 Mawu Ofanana

SAMUEL 2 17:16

Guman i Husai, “Koḷamemet! Potaaudon kon i Daud sinbá diádon in sia mogogai mosiug kon ḷoḷoḷanan in ongkag kon padang gurun. Mustibí in sia ḻimikat in mayá ḷumoḷan kon Ongkag in Yordan. Aka diá, yo sia takin tontaranea mita in rimumudon.”

MAZMUR 119:51

Intau moḷoḷatú in totokbí in moningkuḻe kon inakó, táe akuoi in diábí sinumabat kon hukum-Mu.

MAZMUR 119:61

Intau moraat motaan kon potait kon inakó, táe akuoi in diábí mokoḻiong kon hukum-Mu.

YESAYA 58:2

Mosia in mosumba kon i-Nakó pomuḷoi in singgai, bo moibog monotaau kon ibog-Ku, naonda bo moibog in mosia mogaid kon inta mopia, bo motoindudui kon hukum-Ku. Mosia in moguman kon mosanang in gina monia in mosumba kon i-Nakó bo moibog in hukum-Ku inta moadil.”

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”

SAMUEL 1 26:24

Dá, nádon onda in ki Tuang datu aindon pinomayá mako in bobantung naa nobiag in singgai naa, dá igumon mako natua doman in bobantung naa ḷukadan i Tuhan bo pilatan nongkon bayongan in bodito!”

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.