MAZMUR 119:49 - Alkitab Singog In Mongondow Masa In Tanaa

⁴⁹ Toropdon in dandi-Mu kon mogogundoi-Mu tanaa, dandi inta mobogoi in kamang kon inakó.

MAZMUR 119:49 Mawu Ofanana

KINOBAḺIAN 32:9

Onda intua ki Yakub in nosambayang, “O Allah, inta sinumba i akiku ki Abraham, bo i amáku ki Ishak, indongogaipa in akuoi! Ki Tuhan ain nopotabá kon inakó mobui kon butáku bo kon ginaḷumku. Bo ki Tuhan nodandi kon monompia kon inakó.

KINOBAḺIAN 8:1

Ki Allah in diábí nokoḻiong kon i Nuh bo bayongan in mahaḷuk inta noyotakinnea kon bonu in uangga moḷoben tatua. Binaḻí i Allah in tompot nogirup, dá tubig tatua in momangkoidon momiot.

SAMUEL 2 5:2

Nongkon koḻipod, sedang bo kon tungkuḷpabí in ki Saul nomarentapa kon inami, ki Tuang doman inta nodia kon tontara in Israel pomuḷoi in mayá moparang, apa doman ki Tuhan ain nodandi kon i Tuang kon ki Tuangbí in mobaḻí itoi in umat-Nea bo mobaḻí datu monia.”

SAMUEL 2 7:25

Bo tanaa, o Tuhan Allah, moibog in Iko moginrigon kon dandi inta ain siningog-Mu soaḷ akuoi bo buíku kon kinoouputbí in dunia naa. Aka motaau dá aidaidon in onu inta ain pinodandi-Mu tatua.

AYUB 7:7

Toropdon, o Allah, kobiaganku in tongábí tompot poginaan; kobiaganku inta mopia in nobuḻi, diá in toimpaḷot.

MAZMUR 105:2

Podondongdon in dondong dodayow kon i Tuhan, pohabardon in bayongan mia-Nea inta mokoherang.

MAZMUR 105:42

Sin ki Tuhan in nokotorop kon dandi-Nea kon i Abraham, mogogundoi-Nea.

MAZMUR 106:4

Toropdon in akuoi, o Tuhan, podudui in kopopia-Mu kon umat-Mu, tuḷungai domandon in akuoi aka Iko moposaḷamat kon i monia.

MAZMUR 106:45

Popisí in mosia dá kinotoropan-Nea in dandi-Nea bo nonotabidon kon i monia popisí in tabi-Nea inta moḷoben.

MAZMUR 119:147

Doḷo-doḷom mobangon in akuoi bo mokuani mokituḷung; akuoi in mogoḷat mako kon dandi-Mu.

MAZMUR 119:43

Tuḷungaipa kaasí in akuoi sinbá umuran mosingog kon onu in totuu, sin akuoi in mogoḷat mako kon onu in tantúon-Mu.

MAZMUR 119:74

Intau motoguondok in mosanangbí in ginanea aka mokoontong kon inakó, sin akuoi in mogoḷat mako kon dandi-Mu.

MAZMUR 119:81

Ginaku in totokbí in mokotanob kon kasaḷamatan nongkon ini-Mu; akuoi in mogoḷat mako kon dandi-Mu.

MAZMUR 71:14

Táe akuoi in umuranbí mongamang mako kon ini-Mu, bo mokakitdon modayow kon ini-Mu.

YESAYA 62:6

Kon dinding in Yerusalem Akuoi monampat kon moḷoḷukad; singgai doḷom mosia in diábí motaau in tongá kibio-biómai, táe mustibí umuran moponorop kon i Allah kon dandi inta ain pinomia-Nea.

SURAT I PAULUS KON JAMAAT RUM 15:13

Poigumon mako kon i Allah, inta tampat pohoharapan monimu, sinbá Sia in mobogoi kon i monimu in gina mosanang bo kobiagan motompia sin moiko in mopirisaya kon i-Nia. Poigumon doman mako sinbá moiko in umuran kawasaan in Roho i Allah, sahingga in modugangdon moḷoben in harapan monimu kon i Allah.

PETRUS 1 1:13

Tuamai moiko in musti umuran mobasadia. Pokoingat bo totu-totuu poharap kon barakat inta bain ogoi kon i monimu kon wakutu in ki Yesus Kristus mamangoi bui.

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.