MAZMUR 119:31 - Alkitab Singog In Mongondow Masa In Tanaa

³¹ Akuoi in dinumuduidon kon atorang-Mu mita, o Tuhan, dika pomayá mako in akuoi in pokooyáanmai.

MAZMUR 119:31 Mawu Ofanana

MAZMUR 119:115

Ei intau moraat, pokoyayúdon kon inakó! Akuoi in moibogbí tumoḷutui kon parenta i Allahku.

MAZMUR 119:48

Horomatonku bo koibogku in parenta-Mu, atorang-Mu in umurankubí tano-tanobon.

MAZMUR 119:6

Aka akuoi monaridimai kon bayongan in parenta-Mu, dá akuoi in diábí pokopooyáanmai.

MAZMUR 119:80

Igumon mako in ginaku diá tumabat nongkon atorang-Mu, sinbá diá mooyá in akuoi.

MAZMUR 25:2

o Allahku, akuoi in mopirisaya kon ini-Mu! Dika pomayá mako in akuoi pokopooyáanmai, bo goḷokapan in musungku mita.

MAZMUR 25:20

Ḷukadaidon bo posaḷamatpa in akuoi, sinbá diá mooyá in akuoi, sin akuoi in noniung kon ini-Mu.

AMSAL 23:23

Totundú inta mobanar, hikmat, topotundú, bo pomomangaḻe – tua komintan in patusbí taḷuion, bo donaaibí potaḷui.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

YEREMIA 17:18

Igumon mako intau inta nogaḷow bo nondorot kon inakó, pokopooyáan-Mumai bo poangoian-Mu in ondok. Táe dikabí intua poaid kon inakó, o Tuhan. Poangoidon in bodito kon i monia modapot in mosia morimumud moputú.

YOHANES 8:31

Onda intua ki Yesus in noguman kon intau mita in Yahudi inta ain nopirisaya kon i-Nia, “Aka moiko bo umuran dumudui kon inta sinundú-Ku, yo moiko in totu-totuudon mobaḻí dumodudui-Ku,

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

SURAT I PAULUS KON JAMAAT RUM 5:5

Bo harapan ná tanaa in diábí mokokecewa kon i naton, sin gina naton ain notarima kon totabi i Allah. Tua in inaidan i Allah pinongin Roho-Nea, inta ain inogoi kon i naton.

ULANGAN 10:20

Horomatbí in ki Tuhan Allahmu bo poibadadon tongá kon i-Nia. Moiko in musti umuran mokoposatia kon i-Nia bo mongibot tongá podoyon kon tangoi-Nea.

ULANGAN 11:22

Pokosatiadon in dumudui kon bayongan hukum inta pinotaauku kon inimu: Kotabibí in ki Tuhan Allahmu, aidaidon in bayongan inta pinarenta-Nea kon inimu, bo tantúdon kosatia in moiko kon i-Nia.

ULANGAN 4:4

tongá moiko inta umuran notoindudui kon i Tuhan Allahmu nobiagpa dapot in tanaa mako.

YOHANES 1 2:28

Pogumanku bui kon i monimu adíku mita: Kobiag umuran motobatú takin i Kristus, sinbá aka Sia in mamangoidon bui, yo kita in diádon moondo-ondok in tumayow kon i-Nia, bo diá domandon mooya-oyá.